| e-texts navigator |
| Wylie |
68b1 ལོ།། གཟུང་འཛིན་བརྟན་པའི་ས་ལ་ཕྱག་འཚལ་ལོ།། རིན་ཆེན་འབར་བའི་མེ་ལ་ཕྱག་འཚལ་ལོ།། མཐའ་ཡས་ཆོས་ཀྱི་ཆུ་ལ་ཕྱག་འཚལ་ལོ།། དོན་ཡོད་བསྐྱེད་པའི་རླུང་ལ་ཕྱག་འཚལ་ལོ།། རླུང་ལྔ་བདེ་བར
68b2 གཤེགས་ལ་ཕྱག་འཚལ་ལོ།། གསང་བའི་སྙིང་པོ་དེ་ཁོ་ན་ཉིད་ངེས་པ། ཁྲོ་བོ་སྟོབས་ཀྱི་རྣལ་འབྱོར་དབང་ཕྱུག་གྲུབ་པའི་སྒྱུ་འཕྲུལ་དྲ་བའི་རྒྱུད་རྫོགས་སོ།། །། རྒྱ་གར་མཁན་པོ་བི་མ་ལ་མི་ཏྲ་དང་། ལོ་ཙཱ་བ་སློབ
68b3 དཔོན་བེ་རོ་ཙ་ནས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། @#།། རྒྱ་གར་སྐད་དུ། གྷཱ་ཧྱ་གརྦྷ་ཏ་ཏཱ་བི་ནི་ཤྩ་ཡ་མ་ཧཱ་ཀྲོ་དྷ་བ་ལ་རཱ་ཛ་ཏནྟ། བོད་སྐད་དུ། གསང་བའི་སྙིང་པོ་དེ་ཁོ་ན་ཉིད
68b4 ངེས་པའི་ཁྲོ་བོ་ཆེན་པོ་སྟོབས་ཀྱི་རྒྱུད་རྒྱལ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། འོག་མིན་གྱི་གནས་ཀུན་ཏུ་བཟང་མོའི་བྷ་ག་ཡངས་པའི་ཀློང་ན། ཕྱོགས
68b5 བཅུ་དུས་གསུམ་ཀྱི་དེ་བཞིན་གཤེགས་པ་ཐམས་ཅད་ཀྱི་བདག་པོ་ཀུན་ཏུ་བཟང་པོ་ངེས་པར་འབྲེལ་ཏོ།། ཉིད་ཀྱི་སྐྱེས་བུ་ཆེན་པོ་རྡོ་རྗེ་སེམས་དཔའ་བཀའ་ནོད་དོ།། དེའི་ཚེ་དེའི་དུས་ན། འདུལ་བའི་དུས་ལ་བབས
68b6 པ་གསང་བདག་ཉིད་ཀྱིས་ཞུས་པ། རྒྱ་ཆེ་རབ་ཟབ་དཔག་དཀའ་བ།། རང་བཞིན་ཆེ་ལ་ངེས་དོན་ཅན།། རྒྱལ་བ་རྣམས་ཀྱི་སྤྱོད་ཡུལ་འདི།། གསང་བ་བཞིས་ཆོད་དོན་མཛད་པ།། རྟོག་ཚོགས་ལོག་པར་ཞེན་པ
iiif viewer powered by OpenSeadragon
