| e-texts navigator |
| Wylie |
68a1 ནས།། དྲོས་ཀྱི་བར་ནི་དུས་དང་པོ།། དྲོས་ཀྱི་མཚམས་ནས་ཕྱེད་ཀྱི་བར།། གཉིས་ཀ་ཡིན་ཏེ་ས་དང་ཆུ།། ཉི་མ་ཕྱེད་ནས་མྱུར་སྨད་མཚམས།། ཕྱི་དྲོ་དང་པོར་ཤེས་པར་བྱ།། མྱུར་སྨད་མཚམས་ནས
68a2 ཆལ་ཚིལ་མཚམས།། ཉིན་དུས་བཞི་པར་ཤེས་པར་བྱ།། ཆལ་ཚིལ་སྲོད་མཚམས་དུས་དང་པོ།། སྲོད་ནས་ཕྱེད་བར་དུས་གཉིས་པར།། ཕྱེད་ནས་ཐོར་ཆུང་དུས་དང་པོ།། ཐོ་རངས་སྐྱ་རེངས་དུས་གཉིས
68a3 པར།། དབུགས་ཀྱི་གྲངས་ཀྱིས་དུས་ཕྱེས་ནས།། གཞན་དུ་གཞན་དག་རིམ་པ་བཞིན།། དབྱར་དང་སྟོན་དང་དགུན་དག་དང་།། དུས་དང་དུས་ཕྲན་གང་བྱུང་བ།། དེ་དག་དང་པོ་གཙོར་འབྱུང་ངོ་།། གྲངས་དང་དུས
68a4 ཚད་སྔ་མ་བཞིན།། མི་འཕྲོ་རླུང་ཉིད་འབྱུང་རྔུབ་རང་དབང་ཐོབ།། སེམས་འདུལ་དེ་གསལ་དེ་ཚེ་ཤེས་རབ་བསྐྱེད།། གཞན་ནས་མ་ཡིན་འབྱུང་བ་ཉིད་དག་དང་།། རྩོལ་བ་དབྱེར་མེད་རང་དོན་ཅི་བཞིན་སྤྱད།། ཡུན
68a5 རིང་ཚེ་ན་ཞི་གནས་བརྟན་བྱ་ཞིང་།། དབྱེར་མེད་ཆ་མཉམ་འདོད་པའི་གོ་འཕང་ཐོབ།། ནུས་པ་དྲག་པོ་བསྐྱེད་པའི་ཐབས་ཡིན་ནོ།། ཐམས་ཅད་ཐིག་ལེ་མ་བཅོས་འབྱུང་འཇུག་མེད།། ཅེས་གསུངས་སོ།། དེ་ནས་བྱང
68a6 ཆུབ་སེམས་དཔའ་དེ་དག་གིས།། རང་གི་དོན་རྫོགས་རིག་ནས་བསྟོད་པ། ཨེ་མ་ཧོ། ལེགས་སོ་ལེགས་སོ་ཡང་དག་ལེགས།། ཐམས་ཅད་བདག་པོ་ཁྱོད་རེ་མཚར།། སྣང་སྟོང་ནམ་མཁའི་དབྱིངས་ལ་ཕྱག་འཚལ
iiif viewer powered by OpenSeadragon
