| e-texts navigator |
| Wylie |
67b1 རྒྱུ་བ་ནི།། ཁྲི་ཕྲག་གཉིས་དང་སྟོང་ཕྲག་དང་།། དྲུག་བརྒྱ་ཉིན་མཚན་འབྱུང་བྱེད་པ།། འཇུག་པ་བག་ལ་ཞ་བར་བྱ།། ཐུན་བརྒྱད་ཐུན་ཕྲན་ཉི་ཤུ་བཞི།། སྔ་དྲོ་དང་པོ་ཕྱི་མ་གཉིས།། སྲོད་ཀྱི་དང་པོ་ཐ་མ་གཉིས།། ཐོ
67b2 རངས་དང་པོ་ཐ་མ་གཉིས།། ས་ཆུ་མེ་རླུང་རིམ་བཞིན་དུ།། དུས་ཀྱི་ལྷ་མོ་རེ་རེ་འབྱུང་།། ལྷ་མོ་དེ་དག་བརྒྱ་ལ་ཡང་།། སྲོག་གི་རྒྱུ་བ་ཉིས་སྟོང་དང་།། བརྒྱ་ཕྲག་བདུན་དུ་འབྱུང་བར་བྱེད།། ལྷ་མོ་རེ་རེར་ལྷ་མོ
67b3 གསུམ།། ལྷ་མོ་ཉི་ཤུ་རྩ་བཞིར་འགྱུར།། ཉི་ཤུ་རྩ་བཞི་དག་ལ་ཡང་།། ལྷ་མོ་བཞི་བཞིར་འབྱུང་འགྱུར་ཏེ།། ལྷ་མོ་བཅུ་ཕྲག་དགུ་དང་དྲུག། དབུགས་ནི་ཉིས་བརྒྱ་བཅུ་ཕྲག་གཉིས།། རྩ་ལྔ་དག་སྟེ་རྒྱུ་བའི་གྲངས།། ཐུན
67b4 གཅིག་ཐུན་གཉིས་ཐུན་ཕྲག་གང་།། དབྱིག་གུ་ལྷ་མོའི་ནུས་པ་གང་།། ནུས་པས་དབུགས་བགྲང་གྲངས་བཟུང་ནས།། ངལ་བ་མེད་པ་དབུགས་ལ་བརྟེན།། ཡང་ན་དབུགས་ཀྱི་རྒྱུ་བ་ལ།། ངལ་བ་མེད་པར་དབུགས
67b5 བགྲངས་པ།། བགྲང་ཕྲེང་དག་ཀྱང་མི་དགོས་ཏེ།། གཡས་པར་མེ་འབྱུང་དམར་ཞིང་འཚེར།། གཡོན་པར་རླུང་འབྱུང་གནག་ལ་དྲངས།། གཉིས་ཀར་ངལ་རྒྱ་ཆུ་རླུང་དཀར།། གཉིས་ཀར་ཐུབ་རྔུབས་ས་རླུང་སེར།། 7
67b6 མོ་བདག་མོ་དང་ལྡན་པའི།། ཡེ་ཤེས་བཞི་ཉིད་འབྱུང་བར་བྱེད།། གཅིག་མིན་དུ་མར་མ་གྲུབ་ཕྱིར།། གཡས་དང་གཡོན་དུ་གཉིས་ཀར་ཡང་།། གཡས་དང་གཡོན་དུ་བརྟག་པར་བྱའོ།། སྐྱ་རེངས་དང་པོ་ཤར་བ
iiif viewer powered by OpenSeadragon
