| e-texts navigator |
| Wylie |
66b1 ནས།། གསུམ་གྱི་མཐར་ནི་གནས་བྱེད་པའོ།། ཆོས་སྐུ་བདེ་བའི་ལོངས་སྤྱོད་དང་།། སྤྲུལ་པའི་བྱིན་རླབས་སྐུར་སྤྲུལ་པ།། གནས་པས་གནས་ནི་དགའ་བར་བྱེད།། དེ་ལ་བགེགས་འགུགས་པའི་ཁྲོ་བོ་ཧཱུཾ་གི་སྔགས་ནི།།
66b2 ཨོཾ་སུཾ་བྷ་ནི་སུཾ་བྷ་ཧཱུཾ། གྲྀཧྞ་གྲྀཧྞ་ཧཱུཾ། གྲྀ་ཧྞཱ་པ་ཡ་གྲྀ་ཧྞཱ་པ་ཡ་ཧཱུཾ། ཨཱ་ན་ཡ་ཧོ།། བྷ་ག་ཝཱན། བིདྱཱ་ཀྲོ་དྷ་ཧཱུཾ་ཕཊ། དེ་ནས་བསྲུང་བར་བྱ་བའི་ཕྱིར།། འདོད་ལས་གནོད་པ་བཀུག་མ་ཐག། རིམ་པར་གནས་སུ་བསྡུ་བར
66b3 བྱ།། དེ་ལ་བསྡུ་བའི་སྙིང་པོ་ནི།། སང་ཧ་ར་ཎ་ཧཱུཾ། དེ་ནས་བསྡུས་པའི་ཆོས་ཀུན་ལས།། ཧཱུཾ་གི་སྒྲས་བསྐྱེད་ཧཱུཾ་ལས་ནི།། ཧཱུཾ་ལས་བསྐྱེད་པའི་ཁྲོ་བོ་ཆེ།། རྣམ་རྒྱལ་གཤིན་རྗེ་རྟ་མགྲིན་དང་།། བདུད་རྩི་འཁྱིལ་པ་དབྱུག
66b4 སྔོན་ཅན།། མི་གཡོ་མགོན་པོ་འདོད་པའི་རྒྱལ།། ཁམས་གསུམ་རྣམ་རྒྱལ་ཀརྨཱ་ཀུཎྜ་ལི།། གནོད་མཛེས་རྒྱལ་པོས་སྟེང་འོག་ཕྱོགས་མཚམས་བསྲུངས།། གནོད་སྦྱིན་སྔགས་ཀྱི་རྒྱལ་པོ་ལ།། མི་གཡོ་མི་འགྱུར་བརྟན
66b5 པར་བྱོས།། ཞེས་བསྒོའོ།། དེའི་ཚེ་གནོད་སྦྱིན་འདུལ་མཛད་བདུད་རྩི་ཁྲོ་བོ་ཆེ།། ཕུར་པ་བླངས་ནས་བྱིན་བརླབས་སྡེར་མོའི་ཚིག། རྟ་མགྲིན་རིམ་བཞིན་འདོད་པའི་རྒྱལ་པོ་གདབ།། འདོད་པའི་རྒྱལ་པོ་ཨ་མྲྀ་ཀུནྡ
66b6 ལི།། གནོད་མཛེས་རྒྱལ་པོས་སྟེང་འོག་རང་བྱིན་བརླབ།། དེ་ལ་བྱིན་གྱིས་བརླབ་པའི་སྔགས་ནི།། ཨོཾ་གྷ་གྷ་གྷཱ་ཏ་ཡ་གྷ་ཏ་ཡ་སརྦ་དུཥྚཱན་ཕཊ་ཕཊ། ཀཱི་ལི་ཀཱི་ལ་ཡ། སརྦ་པཱ་པཾ། ཕཊ་ཕཊ་ཕཊ། ཧཱུཾ་ཧཱུཾ་ཧཱུཾ། བཛྲ་ཀཱི་ལ་ཡ།།
iiif viewer powered by OpenSeadragon
