| e-texts navigator |
| Wylie |
65b1 ཉམས་པར་འགྱུར་བའི་ལས།། རྡུལ་ཆ་ཙམ་ཡང་མི་བྱའོ།། དབང་ཕྱུག་རྒྱལ་པོས་གཉེར་གཏད་པའི།། གསང་བ་ཐུགས་ཀྱི་རྒྱུད་ཆེན་འདི།། རྒྱལ་སྲས་རིགས་ངེས་བདེར་སྤྱོད་ཅིང་།། འཁོར་བའི་ཐ་བ་ཀུན་སྤངས
65b2 ཤིང་།། བདེ་བ་ཆེན་པོ་འཕེལ་བྱེད་པ།། འཛིན་པ་འཛིན་པར་བྱེད་པ་ལ།། གསང་བ་དམ་པར་ངེས་པར་གཏད།། ཡིད་བཞིན་ནོར་བུ་འཆང་བ་ལྟར།། བསམ་པ་ཡོངས་སུ་རྫོགས་བྱེད་པ།། གསང་བའི་སྙིང་པོ་ངེས་པ
65b3 འདི།། རིག་འཛིན་རྒྱལ་སྲས་ཀུན་ལ་གཏད།། སྒྱུ་འཕྲུལ་ཐལ་བའི་རྒྱུད་ལས། སྒྱུ་འཕྲུལ་ཆེན་པོ་བསྟན་པར་གཟུང་བའི་ལེའུ་སྟེ་ཉི་ཤུ་དྲུག་པའོ།། །། སྒྱུ་འཕྲུལ་ཐལ་བའི་རྒྱུད་ཆེན་པོ་རྫོགས་སོ།། རྒྱ་གར་གྱི་མཁན་པོ
65b4 བི་མ་མཻ་ཏྲ་དང་། དྷ་ན་ཀུམཱ་རས་འཕན་ཡུལ་དུ་བསྐུར་ཅིང་གཏན་ལ་ཕབ་པའོ།། @#།། རྒྱ་གར་སྐད་དུ། གུ་ཧྱ་གརྦྷ་ཏ་ཏྲ་བི་ནི་ཤྩ་ཡ་མ་ཧཱ་ཀྲོ་དྷ་བ་ལ་ཡོ་གི་ཤྭ་ར་སིདྡྷ་མཱ་ཡཱ་ཛྭ་ལ་ཏནྟ། བོད་སྐད་དུ། གསང་བའི་སྙིང
65b5 པོ་དེ་ཁོ་ཉིད་ངེས་པའི་ཁྲོ་བོ་ཆེན་པོ་སྟོབས་ཀྱི་རྣལ་འབྱོར་དབང་ཕྱུག་གྲུབ་པའི་སྒྱུ་འཕྲུལ་དྲ་བའི་རྒྱུད། དཔལ་འཇམ་དཔལ་རྣོན་པོ་ལ་ཕྱག་འཚལ་ལོ།། འདི་སྐད་བདག་གིས་བཤད་པའི་ཚེ། འཇིག་རྟེན་གྱི་བདག་པོ
65b6 བཅོམ་ལྡན་འདས་འདོད་ཆགས་ཆེན་པོ། ཞེ་སྡང་ཆེན་པོ།། གཏི་མུག་ཆེན་པོ་དེའི་གཞལ་ཡས་ཁང་ན། དབྱེར་མེད་པའི་བདེ་བ་དང་ལྡན་པ། དེའི་ཚེ་དེའི་དུས་ན་བྱང་ཆུབ་སེམས་དཔའ་ཆེན་པོ་སའི་སྙིང་པོ་ལ་སོགས
iiif viewer powered by OpenSeadragon
