| e-texts navigator |
| Wylie |
64b1 ཀྱང་སྙིང་པོ་མཆོག། སྒྱུ་འཕྲུལ་ཟལ་རྒྱུད་ཆེན་པོ་འདི།། ཕྱོགས་བཞི་དུས་བཞི་མ་ལུས་པའི།། ནམ་མཁའི་མཐར་ཟུག་རྒྱལ་བ་རྣམས།། གསང་བ་གང་ལ་ཞུགས་པ་ན།། འགྲོ་བ་ཆགས་པ་ཅན་དོན་དུ།། འདུལ་བའི
64b2 གང་ཟག་ལ་དགོངས་ནས།། ཐལ་ཆེན་བདེ་བ་གསང་བའི་མཆོག། འགྲོ་བ་སྙིགས་མ་ལ་དགོངས་ནས།། གསང་བ་འདི་ནི་བསྟན་པར་མཛད།། བྱང་ཆུབ་སེམས་དཔའ་ལྷ་མོའི་ཚོགས།། བདེ་བ་ཆེན་པོ་ཉམས་ལྡན
64b3 པས།། དགྱེས་པའི་བརྩེ་བའི་རོལ་པ་ཡིས།། ཐབས་ཆེན་ལམ་ལ་གནས་པར་མཛད།། མཁའ་འགྲོ་མ་མོ་ཕྲ་མེན་མ།། རྒྱལ་པོ་འཁོར་དུ་འདུས་པ་རྣམས།། ཀུན་ཀྱང་ཐིག་ལེ་ཡིད་གཡོས་ནས།། བལྟ་དང་ཆགས་པས
64b4 འཁྱུད་བྱས་དང་།། བརྩེ་དང་གཞི་བ་དང་ཞལ་སྦྱོར་དང་།། དཀར་འཛིན་འགྱིང་བའི་ཚུལ་གྱིས་སྟོན།། སེམས་དཔའ་ལུས་འདར་མིག་དངས་ནས།། ཆགས་པའི་གར་ནི་སྣ་ཚོགས་བྱེད།། དགའ་བའི་ཚུལ་གྱིས་ཚིག།
64b5 བཤད་བརྗོད།། ཀྱེ་ཀྱེ་རྒྱལ་བ་ཐམས་ཅད་གཟིགས།། རྒྱལ་བ་ཐམས་ཅད་དགོངས་པ་ཡི།། ཐིག་ལེ་ཆེན་པོ་ཐབས་ཀྱི་མཆོག། འགྲོ་བ་ལམ་མཆོག་བདེར་སྟོན་པ།། སྒྱུ་འཕྲུལ་དྲ་བ་ལམ་གྱི་ཕུགས།། ཐབས་དང་ཤེས
64b6 རབ་དབྱེར་མེད་པའི།། བདེ་ཆེན་རིག་པ་བསམ་མི་ཁྱབ།། དངོས་ཉིད་བདེ་གསལ་ཐོག་མཐའ་མེད།། ཉོན་མོངས་ཀུན་ལས་རབ་གྲོལ་བའི།། འཁོར་བ་བདེར་གནས་ཐབས་ཀྱི་མཆོག། འདོད་ཆགས་ཆེན་པོ་བདེ་བ
iiif viewer powered by OpenSeadragon
