| e-texts navigator |
| Wylie |
64a1 མཆོག་ལས་གཞན་མེད་དེ།། སྐུ་གསུང་ཐུགས་སོགས་དངོས་གྲུབ་མཆོག། གྲུབ་པ་ཀུན་གྱི་སྙིང་པོ་མཆོག། ཞི་བ་རྒྱས་པ་དབང་དྲག་དང་།། ལས་ཀྱི་བྱེ་བྲག་མཐའ་ཡས་པ།། བྱང་སེམས་བདེ་བ་ལ
64a2 གནས་པས།། མ་ལུས་འདིར་ནི་འགྲུབ་པར་འགྱུར།། གསང་བའི་ལམ་མཆོག་སེམས་ལྔ་སྟེ།། ཐབས་མཆོག་སྟེང་འོད་ལས་བྱུང་བ།། གཡོ་ལྡང་འཇུག་གནས་མཐར་ཕྱིན་པས།། མི་ལྡོག་ཐབས་ཀྱི་ཕ་རོལ
64a3 ཕྱིན།། མདོར་ན་བསྡུས་དང་ལམ་དག་དང་།། བསྒྲུབ་དང་ལས་ཚོགས་མཐའ་ཡས་པའི།། རྟོགས་པ་མཐའ་ལས་བསྡུས་པ་སྟེ།། ཟབ་མོ་ཕྱི་མ་མཆོག་གི་ཡུལ།། སྔ་མ་དག་ཏུ་མ་གསུངས་པ།། དབང་དང་དམ་ཚིག
64a4 དམན་པ་དང་།། མཚན་མ་དག་ལ་མོས་དགའ་བའི།། བློ་དང་རིག་པའི་སྤྱོད་ཡུལ་མིན།། གསང་བ་ཟབ་མོའི་ཐུགས་ཀྱི་རྒྱུད།། རོལ་པ་སྤྱོད་ཅིང་དགའ་བདེར་གནས།། རིགས་ཆད་དཀའ་ཐུབ་ལྡན་པ་སྤངས།། དགའ
64a5 བདེ་ལྡན་པས་གང་སྤྱད་པ།། མ་ལུས་ཡིད་བཞིན་ནོར་བུ་བཞིན།། གསང་སྔགས་བྱིན་རླབས་ཐབས་ཀྱིས་འགྲུབ།། བྱ་བ་མ་ལུས་མདོར་བསྡུས་པ།། བྱ་བ་མེད་པར་ཡང་དག་འགྲུབ།། གསང་བ་ཐལ་རྒྱུད་ཆེན་པོ
64a6 འདི།། ཡོན་ཏན་ཆེ་བ་ཀུན་གྱི་གནས།། སྒྱུ་འཕྲུལ་ཐལ་བའི་རྒྱུད་ཆེན་པོ་ལས། རྟོག་པ་བསྡུས་པའི་ལེའུ་སྟེ་ཉི་ཤུ་ལྔ་པའོ།། །། དེ་ནས་གཞན་ཡང་བཤད་བྱ་བ།། གསང་བ་ཆེན་པོ་རབ་ངེས་པ།། སྙིང་པོ་ལས
iiif viewer powered by OpenSeadragon
