| e-texts navigator |
| Wylie |
63b1 པ།། དམན་པའི་གྲོང་ཁྱེར་བཅོམ་པ་ཡིས།། རང་བྱུང་ཡེ་ཤེས་འཕེལ་བར་འགྱུར།། ཇི་སྙེད་ཐེག་པའི་བྱེ་བྲག་དང་།། སྔགས་དང་ཕྱག་རྒྱ་དཀྱིལ་འཁོར་དང་།། སྦྱིན་བསྲེག་འཁོར་ལོ་ལྷ་དང་བཅས།། ཇི་སྙེད་རྣམ་པར
63b2 མ་བཤད་པ།། འདི་ཉིད་མཚོན་པའི་ཐབས་ཡིན་ཏེ།། གཞན་ནི་དགོངས་པ་ཡོད་མ་ཡིན།། དེ་བས་ཐབས་མཆོག་འདི་ཉིད་ནི།། རྟོག་པ་བསྡུས་པར་བཤད་པ་ཡིན།། ཕྱོགས་བཅུ་མཐའ་ཡས་མ་ལུས་པའི།། རྡུལ་སྙེད
63b3 སངས་རྒྱས་ཐམས་ཅད་ཀྱང་།། ཐབས་ཆེན་སྒྱུ་འཕྲུལ་དྲ་བ་སྟེ།། འབྲས་བུ་ཀུན་ཀྱང་འདིར་བསྡུས་པའོ།། གང་ཕྱིར་དངོས་པོ་འདིར་མཐོང་བས།། བལྟ་བ་ཐམས་ཅད་འདིར་འདུས་པའོ།། རྣལ་འབྱོར་ཐབས་ཆེན
63b4 རྟོགས་པ་ལ།། གཙང་སྨེ་བླང་དོར་མི་གནས་པས།། དཔའ་བོ་སེང་གེ་བཞིན་དུ་སྤྱད།། སྤྱོད་པ་ཆོ་ག་མདོར་བསྡུས་པའོ།། དཀྱིལ་འཁོར་དཔག་མེད་མཐའ་ཡས་པ།། བྱང་ཆུབ་སེམས་ཀྱི་དཀྱིལ་འཁོར་ཏེ།། བདེ་བ
63b5 ཆེན་པོའི་དཀྱིལ་འཁོར་འདིར།། དཀྱིལ་འཁོར་མ་ལུས་འདུས་པའོ།། བདེན་གཉིས་དབྱེར་མེད་བྱང་ཆུབ་སེམས།། མཁའ་ལྟར་གནས་པའི་དོན་རྟོགས་ནས།། དབང་མཆོག་ཉིད་དུ་འདི་གསུངས་ཏེ།། དབང་གི་ཆོ་ག
63b6 འདིར་འདུས་པའོ།། སྒོ་གསུམ་མཉམ་པར་རྟོགས་པ་ལས།། ཐམས་ཅད་བདེ་བ་ཆེན་པོ་ཉིད།། མ་ལུས་སྐྱོན་བྲལ་དམ་པ་ལ།། བསྲུང་བྱ་མ་ལུས་འདིར་འདུས་པའོ།། དངོས་གྲུབ་ཀུན་གྱི་སྙིང་པོ་མཆོག། བདེ་ཆེན
iiif viewer powered by OpenSeadragon
