| e-texts navigator |
| Wylie |
63a1 འགྱུར།། བདེ་བ་ཆེན་པོར་རབ་གནས་པ།། ཐབས་དང་ལྡན་པའི་རིམ་ནས་རིམ།། བདེ་བ་ཆེན་པོར་མཐར་ཟུག་མེད།། ཇི་ལྟར་ཚེས་ནས་བཅུ་དྲུག་ལྟར།། རང་གི་ཡོན་ཏན་རྫོགས་པར་འགྱུར།། ཏིང
63a2 འཛིན་ཉམས་ཀྱི་དྲོད་ལྡན་ལ།། རིག་པའི་ལྷ་མོ་རོལ་དབང་གིས།། དང་པོ་ནས་ནི་ས་བརྒྱད་པར།། ས་ཡི་རིམ་པ་འཕེལ་བར་འགྱུར།། དེ་ནས་ཕྱོགས་བཅུ་དག་པའི་ཞིང་།། རིན་ཆེན་མཛེས་པའི་གཞལ་ཡས་སུ།། ས
63a3 བཅུའི་དབང་ཕྱུག་རྩལ་རྫོགས་ལ།། ཕྱོགས་བཅུའི་རྒྱལ་བ་ཀུན་འདུས་ལ།། ཡེ་ཤེས་ལྷ་མོར་རོལ་དབང་གིས།། ཞེན་པ་ཐ་མ་རང་དག་ནས།། ནམ་མཁའ་མཐའ་དབུས་མེད་པ་ལ།། ཉི་མ་རྡུལ་མེད་ཤར་བ
63a4 ལྟར།། སེམས་དང་སེམས་ལས་བྱུང་བ་ཀུན།། ཐོག་མ་ཐ་མ་མེད་པ་ཡི།། ལྷུན་གྱིས་གྲུབ་པའི་ཡེ་ཤེས་ཤར།། རིག་པ་རྡོ་རྗེ་འཛིན་པ་ནི།། དང་པོ་རྣམ་པར་སྨིན་པ་སྟེ།། དེ་ནས་ཏིང་འཛིན་ཡིད་ཀྱི་ལུས།། དེ་ནས་སྤྲུལ
63a5 པའི་ལུས་སུ་སྟེ།། ཐ་མ་ཡེ་ཤེས་ལུས་མཐར་ཕྱིན།། དང་པོ་ལྷ་ཡི་དབང་པོ་སྟེ།། གཉིས་པ་རིགས་བཞི་སེམས་དཔའི་ཚུལ།། གསུམ་པ་རྒྱལ་བ་ལྔར་གནས་པ།། མཐར་ཐུག་ཀུན་བཟང་རྡོ་རྗེ་འཆང་།། ཡེ་ཤེས་རིགས
63a6 དང་དཀྱིལ་འཁོར་དང་།། སངས་རྒྱས་དཀྱིལ་འཁོར་ཀུན་འདུས་ཤིང་།། ཆོ་གའི་མཚན་མ་ཕྱག་རྒྱ་སོགས།། མ་ལུས་རྟོག་པ་འདུས་པ་སྟེ།། རྟོགས་པའི་རྒྱལ་པོ་བླ་ན་མེད།། ཐབས་མཆོག་མ་ལུས་འདིར་འདུས
iiif viewer powered by OpenSeadragon
