| e-texts navigator |
| Wylie |
62b1 བདེ་བ་མྱུར་དུ་འགྲུབ།། ཙིཏྟའི་དཀྱིལ་འཁོར་རིན་པོ་ཆེ།། བྱེ་ཕྲག་ཐིག་ལེ་མང་པོ་རྣམས།། ཀུན་ལས་འདུས་པར་གྱུར་པ་ནི།། དངས་སྙིགས་ཐིག་ལེར་འདུས་པས་ན།། བཅུད་ཀྱི་ཐིག་ལེར་གསལ་བ་ལ།། རོ་ལྔའི
62b2 ཁྱད་པར་ཀུན་རྫོགས་པས།། མ་ལུས་འདུས་པའི་ངོ་བོར་གནས།། ཚངས་པ་བདེ་བ་ཆེན་པོ་ཡིས།། སེམས་ཀྱི་བུམ་པ་རྒྱས་པ་ཡིས།། ལུས་ཀྱི་བདེ་བ་རྒྱས་བྱས་ནས།། རང་ལ་དགོངས་པ་ལྷུན་གྱིས་གྲུབ།། འདུལ
62b3 བར་བྱ་བས་ཀུན་ཀྱང་སྤྱད།། གསང་སྤྱོད་བདེ་བའི་ཐིག་ལེ་ལ།། ཡོན་ཏན་མ་ལུས་ལྷུན་རྫོགས་ཤིང་།། ཞེན་པ་མ་ལུས་རང་ལོག་ནས།། ལྷན་ཅིག་སྐྱེས་པའི་ངོ་བོ་གསལ།། བདེ་བ་རང་གི་གསལ་བ་ལ།། མཚན
62b4 མ་ཐམས་ཅད་ཀུན་ཞི་ནས།། སྒྱུ་འཕྲུལ་དྲ་བར་གནས་པ་ནི།། དུས་གསུམ་སངས་རྒྱས་ཐམས་ཅད་དོ།། རང་ལུས་ཐབས་ཀྱི་བདེར་གནས་པ།། རིམ་པ་དབང་གིས་བྱིན་བརླབས་པའི།། ཐབས་ཀྱི་ཡེ་ཤེས་མངོན་ཐོབ
62b5 པ།། བཅུ་གསུམ་ས་རྫོགས་ཡོན་ཏན་ཐོབ།། རང་བྱུང་ཡེ་ཤེས་དཀྱིལ་འཁོར་ལ།། རྒྱུ་དང་འབྲས་བུ་ཀུན་རྫོགས་པས།། སྐུ་དང་གསུང་ཐུགས་ཡོན་ཏན་ལས།། མ་ལུས་བདག་ཉིད་ལས་བྱུང་བ།། དཔག་བསམ་ཤིང
62b6 དང་རིན་ཆེན་བཞིན།། དང་པོར་མཚོན་པའི་དབང་ཐོབ་པས།། ཞེན་མེད་བདེ་བ་ཆེན་པོ་སྐྱེ།། རིག་པ་མ་སྐྱེས་བདེ་བའི་སེམས།། ཐབས་ལ་མཁས་པར་འབྱུང་བར་འགྱུར།། ཞེན་ཅིང་འཛིན་པ་གྲོལ་བར
iiif viewer powered by OpenSeadragon
