| e-texts navigator |
| Wylie |
62a1 ཡི།། བརྟགས་པའི་སྒྱུ་འཕྲུལ་དུ་མ་ལས།། བསྡུས་པའི་ཐབས་ནི་བཤད་པར་བྱ།། རྟོག་པའི་བྱེ་བྲག་ཐམས་ཅད་ནི།། བཞི་བཅུ་རྩ་གཉིས་འདུས་པ་སྟེ།། སྐུ་གསུང་ཐུགས་སུ་བསྡུས་པ་ཉིད།། རང་རིག
62a2 ཆོས་ཀྱི་དབྱིངས་སུ་ཐིམ།། ཕྱོགས་བཅུའི་རྒྱལ་བ་རྡུལ་སྙེད་པ།། བཞི་བཅུ་རྩ་གཉིས་ངོ་བོ་སྟེ།། དེ་ཉིད་སྐུ་གསུང་ཐུགས་ཀྱི་བདག། དེ་ཉིད་མ་སྐྱེས་ཆོས་ཀྱི་དབྱིངས།། ཕྱག་རྒྱ་དང་ནི་སྔགས་དག་དང་།། བཟླས་པ
62a3 དང་ནི་མཆོད་པ་དང་།། དཀྱིལ་འཁོར་སྦྱིན་བསྲེག་ལ་སོགས་པ།། དང་པོའི་ལས་ཅན་ལ་བཤད་དེ།། རྒྱུད་ཀྱི་ཕྱི་མོ་འདིར་མི་འདོད།། སྤྲོས་པ་ཅན་ལ་བཤད་པ་ཡིན།། གསང་བ་ལས་ཀྱང་གསང་གྱུར་པ།། རང་ལུས
62a4 དཀྱིལ་འཁོར་ཕྱག་རྒྱ་དང་།། ལྷ་ཡི་དཀྱིལ་འཁོར་གྲངས་མེད་དང་།། མཆོད་དང་བཟླས་པ་སྦྱིན་བསྲེག་དག། ཐབས་ཀྱི་ཆོ་ག་མཁས་པ་ཡིས།། རང་གི་ལུས་ལ་བསྐྱེད་པར་བྱ།། རང་ལུས་བདེ་བ་ཆེན་པོའི
62a5 དབྱིངས།། མཁས་པས་ཐབས་ལ་གནས་པ་ཡིས།། ཁྲུས་དང་དཀའ་ཐུབ་མི་བྱ་སྟེ།། ལོངས་སྤྱོད་ཀུན་གྱིས་ཚིམ་པར་བྱ།། བདུད་རྩི་ལྔ་དང་བཅུད་དག་དང་།། མི་མོ་མཚན་ལྡན་བཅུ་དྲུག་མ།། མཚན་ལྡན་ལུས་རྒྱས
62a6 ཡིད་འོང་བ།། འདོད་པའི་ཡོན་ཏན་ལྔར་ལྡན་པས།། བདག་གི་ལུས་སེམས་མཆོད་པར་བྱ།། གཙང་སྨེའི་རྟོག་པ་མི་བྱ་ཞིང་།། བསླང་མོའི་བྱ་བ་སྦྱང་གནས་མིན།། ལུས་སེམས་བདེ་བས་བརྒྱན་བྱས་ནས།། བདེ་བས
iiif viewer powered by OpenSeadragon
