| e-texts navigator |
| Wylie |
61b1 ནས།། རང་རིག་བྱང་ཆུབ་སེམས་ནི་བདེ་ཆེན་འཁོར་ལོ་ཅན།། སྡུག་བསྔལ་མཚན་མ་མེད་པར་མྱུར་དུ་འབྱུང་།། བསྐལ་པ་བརྒྱ་ཕྲག་དུ་མར་རབ་བརྟན་པའི།། མུན་ནག་འཇིགས་སུ་རུང་བའི་ཁང་པ་དག། ཐབས་ལ
61b2 མཁས་པའི་སྦྱོར་བས་བརྩམས་པ་ཡིས།། ཐེ་ཚོམ་མེད་པར་མྱུར་དུ་སེལ་བར་བྱེད།། ཐོག་མ་མེད་པའི་བག་ཆགས་ཐུན་མོང་དག། ཐབས་དང་ཐེག་པ་གཞན་གྱིས་གསལ་དཀའ་བ།། དབང་དང་མན་ངག་ཐབས་ཀྱི
61b3 མར་མེ་ཡིས།། སྐལ་ལྡན་སྙིང་གི་མུན་པ་མྱུར་དུ་སེལ།། རང་སེམས་བདེ་ཆེན་རྟེན་བྱེད་སེམས་ཀྱི་རིན་པོ་ཆེ།། འདོད་ལྔ་ལོངས་སྤྱོད་དགའ་དང་བདེ་བས་གུས་བརྟེན་ན།། འབྲས་བུ་ལྷུན་གྲུབ་ཡ་མཚན་རྨད་བྱུང
61b4 བ།། གཞན་ལ་རག་མ་ལུས་པར་རང་ལས་འབྱུང་བར་འགྱུར།། ཐབས་ཆེན་ཐབས་ལས་བྱུང་བའི་སྐུ་གསུང་ཐུགས།། བདེ་ཆེན་ཟག་མེད་ནམ་མཁའ་ལྟ་བུ་ཉིད།། སློབ་དཔོན་མཐུ་ལས་འདོད་པ་འགྲུབ་འགྱུར
61b5 གྱིས།། དམན་དང་ལོག་པའི་ཐབས་ཀྱིས་འགྲུབ་པ་མེད།། གསང་ཆེན་རོལ་པའི་ཐབས་ལ་མཁས་པ་ནི།། དུས་གསུམ་རྒྱལ་བས་བྱིན་གྱིས་རླབས་པ་སྟེ།། དམན་པ་མཚན་མའི་རྣལ་འབྱོར་དཔག་མེད་དུ་མ་ཡིས།། དེ
61b6 ཡིས་བ་སྤུའི་བུ་གར་ཆར་མི་ནུས།། སྒྱུ་འཕྲུལ་ཐལ་བའི་རྒྱུད་ཆེན་པོ་ལས། ཐམས་ཅད་ཡིད་དང་ཆོས་སུ་འདུས་པའི་ལེའུ་སྟེ་ཉི་ཤུ་བཞི་པའོ།། །། དེ་ནས་གཞན་ཡང་བཤད་བྱ་བ།། གང་དུ་ཐབས་ནི་མེད་པ
iiif viewer powered by OpenSeadragon
