| e-texts navigator |
| Wylie |
60b1 གང་ཡང་རུང་།། ཕྱི་ནང་ཡུལ་སེམས་ཆོས་ཐམས་ཅད།། བདེ་བ་ཆེན་པོའི་ངོ་བོར་ལྡོག། དབང་དང་མན་ངག་བྱིན་རླབས་ཀྱིས།། སྒྲ་དང་བྲལ་བའི་བསྟན་པ་ཉིད།། སྙིང་གི་དཀྱིལ་ནས་བྱུང་འགྱུར་ཏེ།། བདེ་ཆེན་ཐིག
60b2 ལེ་འཕེལ་འགྲིབ་མེད།། རང་རིག་སེམས་ཀྱི་བདེ་བ་ལ།། རྒྱུ་འབྲས་དང་ནི་ཟག་པ་དང་།། འབྱུང་འཇུག་ཡེངས་དང་མ་ཡེངས་མེད།། བདེ་ཆེན་ཁྱབ་པ་རང་བཞིན་གནས།། གསང་བ་ཡིད་གཉིས་མེད་པ
60b3 ཡིས།། ཐབས་ཀྱི་བྱེ་བྲག་བསྐུལ་གྱུར་ན།། ཡེ་ཤེས་ནམ་མཁའ་མཐའ་ཐུག་མེད།། ཐམས་ཅད་མྱུར་དུ་འགྲུབ་པར་འགྱུར།། གསང་ཆེན་རོལ་པའི་སྤྱོད་པ་ལས།། ཐ་མལ་པ་དང་དམན་པ་མེད།། དཀའ་ཐུབ་གཙང་སྦྲ
60b4 ཞུམ་པ་མེད།། ལྷ་དང་སྔགས་དང་ཕྱག་རྒྱ་མེད།། དཀྱིལ་འཁོར་སྦྱིན་བསྲེག་འཕྲོ་འདུ་མེད།། དེ་བས་སྒྱུ་འཕྲུལ་ཐབས་ཆེན་པོ།། སངས་རྒྱས་ཀུན་གྱི་གཉིས་མེད་བདེ་ཆེན་དབྱེར་མེད་པ།། ཐབས་དང་ཤེས་རབ་མི
60b5 ཕྱེད་པ།། འདི་ནི་སངས་རྒྱས་རང་བཞིན་ཉིད།། ཉི་ཟླ་ཐབས་དང་ཤེས་རབ་ཀྱི།། རོ་གཉིས་འདུས་པའི་སྟོབས་ལས་སྐྱེས།། དེ་ལ་མི་རྟོག་རྟོགས་པའི་བདག། རྡོ་རྗེ་སེམས་དཔའ་བདེ་བའི་མཆོག། དྲངས་མའི་བདེ་བ
60b6 ལ་བརྟེན་ནས།། རྟེན་མེད་བདེ་བ་ངེས་པར་སྐྱེ།། མ་སྐྱེས་ནམ་མཁའ་ལྟ་བུ་ནི།། རྟོགས་དང་གོམས་པའི་སྟོབས་ཀྱིས་འགྲུབ།། མ་སྐྱེས་བདེ་ཆེན་མ་རྟོགས་པར།། མཚོན་པའི་ཐབས་ལ་བདེར་གནས་ན།། དངོས་པོ
iiif viewer powered by OpenSeadragon
