| e-texts navigator |
| Wylie |
60a1 མེད།། ཐིག་ལེ་ཟུང་འཇུག་བདེ་བ་ནི།། སངས་རྒྱས་ཀུན་གྱི་རང་བཞིན་ཕྱིར།། བག་ཆགས་མཐའ་ཡས་ཀུན་སེལ་ཏེ།། འབྲས་བུ་ལྷུན་གྲུབ་རང་ལ་འཆར།། རང་བྱུང་ཐིག་ལེ་རྟེན་དང་བཅས།། ལུས
60a2 ཅན་ཀུན་ལ་ཁྱབ་པ་སྟེ།། ཟག་པ་ཡོད་མེད་ཀུན་དང་བྲལ།། ཐིག་ལེ་ཆེན་པོ་གཡོ་བ་མེད།། ཐབས་དང་ཤེས་རབ་ཐམས་ཅད་ནི།། སྦྱོར་བའམ་རང་གི་སྟོབས་ལས་བྱུང་།། ཉི་མ་ཟླ་བ་རྒྱས་པ་ནི།། རང་གི་སྟོབས་ཀྱིས
60a3 བཟུང་བ་ནི།། གནས་དང་གནས་མིན་ཁྱབ་པའི་བར།། གསལ་བརྟན་ངེས་ལས་ཡེ་ཤེས་སྐྱེ།། གསང་བའི་ཐབས་ཀྱིས་ངེས་སྐྱེ་ན།། མུན་པ་ལ་ནི་མར་མེ་ལྟར།། བཅུ་དྲུག་རིམ་པར་འཕེལ་བར་འགྱུར།། རང་གི
60a4 ཉམས་ལས་ཤེས་པར་བྱ།། ཕྱི་ནང་བདེ་བའི་ཐིག་ལེ་ལ།། མ་ལུས་ཆོས་ཀུན་རང་གནས་པས།། རྣལ་འབྱོར་རིག་པའི་ཐབས་ཚུལ་གྱིས།། གཞན་དུ་མ་ཡེངས་ཚུལ་གྱིས་བལྟ།། སངས་རྒྱས་ཀུན་གྱི་བདེ་བ་ནི།། འགྲོ
60a5 འོང་འཕེལ་འགྲིབ་མེད་པ་ནི།། དུས་གསུམ་བྲལ་བའི་ཐིག་ལེ་སྟེ།། ནམ་མཁའ་ལྟ་བུར་འགྱུར་འཇིག་མེད།། ལུས་སེམས་ཡིད་བྱེད་མེད་པ་ཡི།། བདེ་བ་རང་རིག་བསམ་མི་ཁྱབ།། རྒྱུ་རྐྱེན་ཟག་པའི་ཡུལ་ལས
60a6 འདས།། ཐིག་ལེ་འགྲོ་འོང་རྒྱུན་དང་བྲལ།། ང་རྒྱལ་ཕྲག་དོག་ལྡན་པ་དང་།། ཡོ་བྱད་ཡོད་དང་མེད་པས་ཀྱང་།། ཐབས་འདིས་གྲོལ་འགྱུར་ཐེ་ཚོམ་མེད།། གསང་བའི་ཐབས་ལ་གང་གནས་པ།། རིགས་དང་ན་ཚོད
iiif viewer powered by OpenSeadragon
