| e-texts navigator |
| Wylie |
5b1 བསྐུར་བས།། ཤེས་རབ་ཆགས་པར་གྱུར་པ་ཉིད།། དེ་བཞིན་ཤེས་རབ་ཐབས་བསྐུལ་བས།། རོལ་པའི་བདེ་བས་ཞེན་པ་སེལ།། གཉིས་མེད་རོལ་པའི་སེམས་ལྔ་ཡིས།། རྡོ་རྗེ་འཆང་བ་ཉིད་དུ་འགྱུར།། གཞན་ཡང
5b2 རྒྱས་པར་བཤད་པར་བྱ།། ཐབས་དང་ཤེས་རབ་དབྱེར་མེད་པའི།། ཐིག་ལེ་མི་ཕྱེད་རང་བཞིན་གྱི།། རྡོ་རྗེ་ཕུང་པོའི་ཡན་ལག་ནི།། རྫོགས་པའི་སངས་རྒྱས་ལྔ་རུ་གསལ།། སྐྱེ་མཆེད་ཁམས་སོགས་ངོ་བོ
5b3 ཉིད།། སེམས་དཔའ་སེམས་མའི་རང་བཞིན་ནོ།། ས་ཆུ་སྤྱན་དང་མཱ་མ་ཀཱི།། མེ་རླུང་གོས་དཀར་སྒྲོལ་མ་སྟེ།། ནམ་མཁའ་དབྱིངས་ཀྱི་དབང་ཕྱུག་མ།། གསང་ཡུལ་དབང་པོ་རྣམ་ཤེས་རེག། མ་ལུས་འཇོམས་པས་ཁྲོ
5b4 བོཔོ་སྟེ།། རྟག་སོགས་མཚན་ཉིད་ལས་སྐྱེས་པ།། ཡུམ་སྟེ་ལས་ཀྱི་མི་གནས་བཤད།། ཡིད་ཆོས་བཟང་པོ་བཟང་མོ་མཁའ།། ཆགས་སོགས་ཡང་དག་ཉོན་མོངས་དྲུག། འདུལ་ཕྱིར་སྤྲུལ་པ་ཞེས་གསུངས་སོ།། ཐབས
5b5 ཆེན་སྣང་བ་རབ་བསྐུལ་བས།། ཤེས་རབ་ཐབས་ལ་གང་བསྐུལ་བ།། ཕྱོགས་བཅུ་དུས་བཞི་མ་ལུས་པའི།། སྣང་གྲག་གནས་པའི་ཆོས་རྣམས་ཀུན།། དྲ་བ་ཤེས་རབ་ཟབ་མོའི་དབྱིངས།། གང་ལ་གང་གིས་མི་མཚོན
5b6 ཞིང་།། མི་ཤེས་བྱིས་པའི་ཡུལ་ལས་འདས།། ཐབས་ལ་མི་གནས་དེ་བཞིན་ཉིད།། ཁྱད་པར་ཐབས་ཆེན་སྒྱུ་འཕྲུལ་འདིས།། སྐལ་མེད་མ་སྦྱངས་སྐྱེ་བོ་དང་།། བྱིས་པའི་ལོག་ཞེན་དགེ་སློང་དང་།། མཚན་མའི་རྣལ
iiif viewer powered by OpenSeadragon
