| e-texts navigator |
| Wylie |
59b1 འཕྱོས་པ་བཞིན།། སྡུག་བསྔལ་རྒྱ་མཚོར་ལྟུང་བར་འགྱུར།། ཐེག་པ་མཆོག་ལ་མི་ཆགས་ཤིང་།། འདོད་ལྔ་ཆགས་པ་སྤངས་པ་དང་།། བུ་མོ་མཚན་ལྡན་སྤངས་པ་ནི།། ཐབས་བྲལ་འཁོར་བའི་རྩ་བ་ཡིན།། ཐབས
59b2 དང་བྲལ་བ་རང་བཞིན་གནས།། ཚངས་པ་བདེ་བའི་སྐར་ཁུང་ནས།། ཐིག་ལེ་འབར་ནས་རྒྱུ་བ་ནི།། ཐབས་ཀྱི་བསམ་པའི་ལམ་གང་བཅད།། འབར་བ་བརྒྱད་པོ་ཐིམ་པར་བྱ།། ཤར་བ་རྡོ་རྗེ་ཧཱུཾ་གི་བདག། རྩ་བ་ལོ
59b3 མས་གང་བསྡུས་པ།། ཡིད་ནི་སྨིན་མཚམས་གྱེན་ལ་གཏད།། གསང་བའི་གཏེར་ལ་ལོངས་སྤྱོད་བྱ།། གསང་བའི་ཡིད་ནི་འཕོ་འགྱུར་ན།། བྱ་བ་ལ་སོགས་རང་དོར་ནས།། རྣམ་ཤེས་ས་ལ་ཐིམ་འགྱུར་ཏེ།། ས་ཡང་ཆུ
59b4 ལ་ཐིམ་པར་འགྱུར།། ཆུ་ནི་མེ་ལ་ཐིམ་གྱུར་པས།། དེ་ཉིད་རླུང་ལ་ཐིམ་པར་འགྱུར།། རླུང་ནི་སྙིང་པོའི་ཐིག་ལེར་ཏེ།། དེ་ལས་མེ་ལོང་གཟུགས་བཞིན་དུ།། མ་སྐྱེས་སྟོང་པའི་གྲོང་དུ་འཕོ།། སྐྱེ་བ་མེད་ཅིང་འགག་པ
59b5 མེད།། རྒྱུ་བ་མེད་ཅིང་ཟག་པ་མེད།། ཤ་ཁྲག་གཤང་གཅི་ཁུ་བ་མེད།། ནམ་མཁའ་ལྟ་བུར་གནས་པ་ཉིད།། གསང་བའི་དཀྱིལ་འཁོར་གནས་ཆེན་ལ།། རྒྱལ་བ་ཀུན་གྱི་གཞལ་ཡས་ཁང་།། ཏིལ་འབྲུ་ལྟ་བུའི་ཕོ་བྲང
59b6 སྟེ།། རྩ་གསུམ་འདུས་པའི་རྩེ་མོ་སྟེ།། བམ་དབྱིབས་གཉིས་མེད་ཕྲད་པ་ལས།། ཉི་ཟླ་ཕྲད་པའི་ཐིག་ལེ་ལས།། རིམ་པར་སྐྱེ་བའི་ཡེ་ཤེས་རོ།། གནས་ནས་གནས་སུ་འཕོ་བ་ཡིན།། བཅུ་དྲུག་སྐྱེ་བར་ཐེ་ཚོམ
iiif viewer powered by OpenSeadragon
