| e-texts navigator |
| Wylie |
59a1 ཏེ།། དམན་པ་རྟོག་གེ་ལ་སོགས་པའི།། ཡུལ་དུ་ནམ་ཡང་འགྱུར་མ་ཡིན།། གང་དུ་འཆིང་བའི་ལས་རྣམས་ཀྱང་།། ཐབས་དང་ལྡན་པས་གྲོལ་བར་འགྱུར།། གང་དུ་ཐབས་དང་མི་ལྡན་པས།། ཐམས
59a2 ཅད་འཆིང་བའི་མདུད་པར་འགྱུར།། དེ་བཞིན་གཤེགས་པའི་གསང་ཆེན་འདི།། ཐབས་དང་མན་ངག་མི་ལྡན་པར།། དྲེགས་དང་ང་རྒྱལ་དབང་སོང་བས།། ཐམས་ཅད་འཁོར་བའི་རྒྱ་མཚོར་ལྟུང་།། གང་དུ་ཐབས
59a3 དང་མི་ལྡན་པས།། འདོད་ལྔ་ཆགས་པས་རོལ་སྤྱོད་ན།། ཐར་པའི་བདེ་བ་སྤངས་ནས་ནི།། འཁོར་བ་ལས་ནི་ཐར་མི་འགྱུར།། གང་དུ་དངོས་པོའི་རང་བཞིན་ལ།། བདེ་སྡུག་ཞེན་པར་མི་གནས་ཀྱང་།། ལས་དང་ཉོན
59a4 མོངས་ཞེན་པ་ལ།། ཐམས་ཅད་ལོག་པའི་སྟོབས་སུ་སྣང་།། གང་དུ་གང་མེད་དེ་བཞིན་ཉིད།། དེ་ལ་དེ་སྣང་ངོ་བོ་ཉིད།། གང་ལ་དེ་ཡི་རང་བཞིན་ནི།། གང་མ་ཡིན་ཏེ་དེ་བཞིན་ཉིད།། འགྲོ་འོང་གནས་པ་ལས་གྲོལ
59a5 བའི།། མཚན་ཉིད་ཞེན་པ་ལས་འདས་པ།། ངོ་བོ་ལོག་པའི་རྐྱེན་གྱིས་བསྒྱུར།། ཐ་མར་ལོག་པའི་གྲོང་ཁྱེར་བརྒྱུད།། དངོས་འཛིན་ལོག་པའི་དུག་ནད་ཀྱིས།། དངོས་བྲལ་དངོས་པོར་རང་བཏགས་པ།། མཐོང་བ
59a6 ལོག་པའི་སྟོབས་ལྡན་པས།། འཁོར་བའི་གྲོང་ཁྱེར་ཐར་པ་མེད།། ཆགས་དང་ཆགས་བྲལ་ལྟུང་བའི་གནས།། ཞན་དང་སྤང་དང་འགེག་དང་སྦྱང་།། བསྒྱུར་སོགས་མཚན་མའི་དབང་སོང་བས།། ནམ་མཁའ་ལ་ནི
iiif viewer powered by OpenSeadragon
