| e-texts navigator |
| Wylie |
58b1 ནས།། གཉེན་པོའི་ཐབས་ཀྱིས་གང་སྦྱངས་པ།། རང་རིག་རང་ལ་བཅིངས་པ་ཡིན།། དཀའ་ཐུབ་སྡོམ་པས་གཟིར་བ་ཡིས།། ལས་དང་བྱ་བ་ལ་བརྟེན་པས།། གཉིས་ཀ་རྣལ་འབྱོར་ལ་བརྟེན་པས།། འབྲས་བུ་ཐོབ།
58b2 པར་འདོད་པ་ཡིན།། གསང་བ་ཐབས་ཀྱི་རྣལ་འབྱོར་པས།། གང་ལ་བརྟེན་ནས་རྟོགས་གོམས་པས།། དཀའ་ཐུབ་རྩོལ་བ་ཀུན་སྤངས་ནས།། ཚེ་གཅིག་འབྲས་བུ་རང་ལས་འབྱུང་།། སློབ་དཔོན་ཐབས་ལ་མཁས་པ
58b3 དང་།། ཆོ་གའི་རིམ་པ་དང་ལྡན་པས།། གང་ལྟར་བརྩམ་པ་དེ་བཞིན་དུ།། ངེས་པར་འབྱུང་བར་ཐེ་ཚོམ་མེད།། ལོག་པའི་དབང་དུ་ཞུགས་པ་དང་།། གང་དུ་སྦྱངས་མིན་རང་བཞིན་ངན།། ལེ་ལོ་གཡེངས་པས་བསླུས
58b4 པ་དང་།། འཁོར་བ་ན་ནི་ཡུན་རིང་གནས།། བྱང་ཆུབ་སེམས་ནི་མ་སྐྱེས་ཤིང་།། དད་དང་དམ་ཚིག་རིང་སྤངས་ཤིང་།། བླ་མ་དག་ལ་རྒྱབ་ཀྱིས་ཕྱོགས།། དབང་དང་མན་ངག་མི་ལྡན་པར།། གསང་སྔགས་རང་བཟོས
58b5 འཇལ་བར་བྱེད།། ལོག་པའི་སྤྱོད་པའི་དབང་སོང་བ།། འདི་ལྟ་བུ་ཡི་སྡིག་ཅན་ནི།། རྡོ་རྗེ་དམྱལ་བར་སྐྱེ་བར་འགྱུར།། བླ་མ་མཉེས་པར་མ་བྱས་ཤིང་།། ཞེ་སྡང་ལ་སོགས་ཉོན་མོངས་ལྡན།། བག་ཆགས་ངན་པས
58b6 རང་བཞིན་བཅིངས།། ལོག་རྟོག་ཞེན་པོའི་མཐུར་ལྡན་པས།། གང་ལྟར་བགྲོད་པས་ལོག་པའི་ལམ།། ལོག་པ་ལ་ནི་གཞོལ་བར་འགྱུར།། གསང་བའི་དོན་མཆོག་འདི་དག་ནི།། དམ་པ་རྣམས་ཀྱི་ཡུལ་ཡིན
iiif viewer powered by OpenSeadragon
