| e-texts navigator |
| Wylie |
58a1 པོར་ཐིམ།། བརྟགས་པའི་བྱེ་བྲག་སྣ་ཚོགས་པ།། ངོ་བོ་ཉིད་ནི་ཅིར་སྣང་ཡང་།། རང་བཞིན་ངང་ལ་དབྱེར་མེད་དེ།། ཐམས་ཅད་མ་བཅོས་ངང་དུ་ཞི།། མ་བྱས་རང་བྱུང་རང་སྣང་བས།། ཡུལ་དང་དབང
58a2 པོར་བཅས་པ་ཀུན།། ངོ་བོ་གཅིག་ཏུ་གསལ་བར་གནས།། མ་ལུས་ཡེ་ཤེས་བརྡའ་ལས་འདས།། མ་ལུས་ཡེ་ཤེས་རང་སྣང་ཞིང་།། སྒྱུ་འཕྲུལ་ཐབས་ཀྱི་མེ་ལོང་ལ།། དྲ་བ་གཟུགས་བརྙན་རང་བཞིན་འཆར།། སྐུ
58a3 འཕྲུལ་ཐལ་བའི་རྒྱུད་ཆེན་པོ་ལས། རྡོ་རྗེ་དྲིལ་བུ་ཚད་བསྟན་པའི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་གཞན་ཡང་བཤད་བྱ་བ།། གང་དག་དོན་ལ་འགལ་བྱེད་ཅིང་།། ཐམས་ཅད་ལོག་པའི་དབང་སོང
58a4 བའི།། སྤྱོད་པ་དེ་ཡི་འབྲས་བུ་བཤད།། རང་བཞིན་དབྱེར་མེད་དོན་གཅིག་ལས།། ལོག་པའི་རྟོག་ལ་ཞེན་དབང་གིས།། དབྱེར་མེད་མཉམ་པའི་རང་བཞིན་ལས།། བདག་གཞན་བདེ་སྡུག་སྣ་ཚོགས་སྣང་།། ལོག
58a5 རྟོག་རྒྱུ་འབྲས་ཞེན་བརྟགས་པ།། དངོས་མེད་ལོག་རྟོག་བརྟགས་དབང་གིས།། བག་ཆགས་ཞེན་གོམས་དབང་གིས་ན།། འཁོར་བའི་རང་བཞིན་བརྟགས་པར་གྱུར།། ཐམས་ཅད་གསང་བའི་རང་བཞིན་ལས།། རིག
58a6 པའི་ཁྱད་པར་ཅིར་སྣང་བ།། རང་རིག་ཡེ་ཤེས་དེ་བཞིན་ཉིད།། དངོས་མེད་དངོས་སྣང་དེ་བཞིན་ཉིད།། མ་མཐོང་ཐ་དད་དབང་དང་ལྡན།། རང་བཞིན་དོན་ལས་སྤངས་དོན་ཅི།། དགག་བསྒྲུབ་དོན་ལ་ངེས་བརྩོན
iiif viewer powered by OpenSeadragon
