| e-texts navigator |
| Wylie |
57b1 བདེ་ཆེན་ཐིག་ལེ་སྟེ།། དངོས་པོ་ནམ་ཡང་ཡོད་མ་ཡིན།། ནམ་མཁའི་དབྱིངས་ཀྱི་མཐའ་ཀླས་པར།། གཉིས་མེད་བདེ་བ་རོལ་པའི་མཆོག། གསང་བ་དབང་གི་ཆོ་ག་ལས།། བདེ་ཆེན་ལམ་ལ་བར་ཆད་མེད།། དབང
57b2 པོ་མཆོག་གི་ཡུལ་དུ་གྱུར།། དེ་བས་གཞན་གྱི་སྤྱོད་ཡུལ་མིན།། སངས་རྒྱས་ཀུན་གྱིས་བྱིན་བརླབས་པའི།། རང་རིག་བདེ་ཆེན་གཉིས་མེད་འདི།། མན་ངག་ཐབས་ཀྱིས་མཚོན་པ་ལས།། ཚིག་དང་ཡི་གེའི་སྤྱོད་ཡུལ
57b3 མིན།། མ་ལུས་གསང་བའི་རང་བཞིན་ལ།། གསང་བ་ཐབས་ཀྱིས་གང་མཚོན་ན།། བག་ཆགས་བསལ་བའི་ཡེ་ཤེས་ཀྱིས།། ཐམས་ཅད་མཉམ་པ་ཉིད་དུ་གསལ།། ཐབས་ཆེན་རོལ་པ་མངོན་བསྟན་པའི།། གསང་བ
57b4 ཀུན་འདུས་ཐབས་ཀྱི་རྒྱུད།། སྐལ་ངན་དམན་ལ་སྦས་པ་སྟེ།། ཐབས་ཆེན་ལྡན་པས་ཤེས་པར་བྱ།། སྐྱེ་མེད་སྒྱུ་འཕྲུལ་དྲ་བ་ལས།། ཐབས་ཆེན་རོལ་པའི་ཆོ་འཕྲུལ་གྱིས།། འགྲོ་བ་ཆགས་པ་ཅན་དོན་དུ།། སྣ་ཚོགས
57b5 འགྲོ་བ་འདུལ་བར་མཛད།། སྣ་ཚོགས་བཅུད་ལྡན་ཐིག་ལེ་ཡིས།། འཁོར་ལོ་ཡུལ་དང་དབང་པོ་ཆོས།། ཐབས་ཆེན་ལས་བྱུང་བདེ་བ་ཡིས།། རིག་པའི་འཁོར་ལོ་ཁེངས་པ་ཡིས།། ཕྱི་ནང་ཡུལ་སེམས་ཆོས་རྣམས
57b6 ཀུན།། ངོ་བོར་བདེ་ཆེན་མྱ་ངན་འདས།། ཐབས་དང་ཤེས་རབ་འབྲེལ་པ་ཡི།། དབང་པོ་ཡུལ་སེམས་ལྡན་པ་ལ།། ལུས་དང་སེམས་ལས་བྱུང་བ་ཀུན།། རྒྱ་མཚོའི་རླབས་དང་ཚྭ་ཆུ་ལྟར།། རང་བཞིན་བདེ་བ་ཆེན
iiif viewer powered by OpenSeadragon
