| e-texts navigator |
| Wylie |
57a1 ཀྱང་།། དབང་པོ་ཡུལ་དུ་འདུས་པར་བཤད།། ཇི་སྙེད་ཆོས་རྣམས་རྡུལ་སྙེད་པ།། འཇིག་རྟེན་འཇིག་རྟེན་འདས་པ་ཡིས།། ནང་དང་ཕྱི་རུ་བསྟན་པ་ཀུན།། རང་རིག་ཡེ་ཤེས་མཆོག་ཏུ་གསུངས།། ཐབས
57a2 མཁས་བྱེ་བྲག་ཅིར་བསྟན་པ།། ཐབས་ཀྱི་ཁྱད་པར་སྣང་བ་ཡིན།། ཨེ་མ་གར་མཁན་འཁོར་ལོ་བདེ།། མ་སྐྱེས་སྟོང་པའི་རང་བཞིན་ལས།། སྒྱུ་འཕྲུལ་དྲ་བ་བདེ་བའི་མཆོག། གསང་དབང་པདྨར་འབྲེལ་བ་ན།། བདེ
57a3 བ་མཆོག་ཏུ་འབྱུང་འགྱུར་ཏེ།། སྐད་ཅིག་ཙམ་གྱི་བདེ་བ་ཡིས།། བག་ཆགས་ཐམས་ཅད་ཟིལ་གྱིས་གནོན།། རང་བྱུང་ལས་ཀྱི་སྒྱུ་འཕྲུལ་ལས།། གསང་བའི་ཐབས་དང་ལྡན་པ་ཡིས།། བདེ་ཆེན་གསང་བར་གྱུར་པ
57a4 ན།། སྤྱོད་ཡུལ་པདྨ་ལྟ་བུར་འགྱུར།། རྡོ་རྗེ་དབང་ཡུལ་འདུས་པ་ལས།། ཕྱི་ནང་ཡུལ་སེམས་བཅས་པའི་ཆོས།། ཉི་ཟླ་ཐབས་ཀྱི་འགྲོ་འོང་ལ།། མ་ལུས་འདིར་ནི་འདུས་པ་ཉིད།། གསང་བ་ཐབས་ཀྱིས་སྒྱུ་འཕྲུལ
57a5 ལས།། ཇི་སྙེད་ཆོས་ཀུན་རང་བཞིན་འཆར།། ཐམས་ཅད་ཐིག་ལེ་བདེ་ཆེན་ལ།། ཡུལ་དབང་ཕྱི་ནང་སྤྲོ་བསྡུ་མེད།། རང་བྱུང་ཐབས་ཀྱི་སྒྱུ་འཕྲུལ་ནི།། དཀྱིལ་འཁོར་ཀུན་གྱི་ཐབས་བཅུད་དེ།། ཐབས་དང་ཤེས་རབ
57a6 འབྲེལ་པ་ལས།། འབྲས་བུ་རང་བཞིན་གསལ་བར་འཆར།། ཐབས་ལ་སྟོང་པས་རྒྱས་བཏབ་ཅིང་།། སྟོང་པ་ལ་ནི་བདེ་བས་བཏབ།། རོ་གཅིག་བདེ་བ་ཆེན་པོ་རྒྱས།། ཕྱི་ནང་ཡུལ་སེམས་ཀུན་ཏུ་བཏབ།། མ་ལུས
iiif viewer powered by OpenSeadragon
