| e-texts navigator |
| Wylie |
56b1 དབྱིངས་སྐད་ཅིག་མ།། མི་གནས་ཚུལ་གྱིས་གནས་འགྱུར་ཏེ།། དེ་ལ་གནས་པ་གང་ཡང་མེད།། འབྱུང་བ་ལྔ་དང་ཕུང་པོ་ལྔ།། ཁམས་དང་སྐྱེ་མཆེད་ལ་སོགས་པ།། ཐབས་དང་ཤེས་རབ་ལྡན་གྱུར་པའི།། གཉིས་སུ
56b2 མེད་པར་རང་བཞིན་གནས།། རྒྱལ་བའི་དཀྱིལ་འཁོར་རྡུལ་སྙེད་པ།། ཞིང་དང་ལོངས་སྤྱོད་མཛད་པ་དང་།། མ་ལུས་གཉིས་མེད་སྣང་བ་སྟེ།། དབྱེར་མེད་རིག་པ་རང་སྣང་ངོ་།། ཕྱི་དང་ནང་དང་ཡུལ་སེམས
56b3 དང་།། ཇི་སྙེད་སྤྱོད་ཡུལ་འགྱུར་བ་ཀུན།། ནམ་མཁའ་ལ་ནི་གཟའ་སྐར་ལྟར།། ཆོས་ཀྱི་དབྱིངས་ལས་དོན་འབྱུང་སྟེ།། བྱ་བྱེད་མེད་པར་ངང་གིས་སྣང་།། ཕྱི་ནང་གསང་བར་བཅས་པ་ཡི།། ཀུན་གཞི་ཐབས་ཀྱིས
56b4 གསལ་བྱས་པས།། མ་ལུས་རང་སྣང་འཇིག་རྟེན་པས།། སྤང་དང་སྤང་བར་བྱ་བ་མེད།། དབང་པོ་ཡུལ་དུས་རྣམ་ཤེས་ཚོགས།། མ་ལུས་གཉིས་མེད་རང་སྣང་བ།། སྐྱེས་བུ་ཐབས་ཀྱི་སྤྱོད་ཡུལ་ཏེ།། སྐལ་ལྡན་དག
56b5 གིས་ཤེས་པར་བྱ།། ཐུགས་ཀྱི་བདེ་བ་ཆོས་ཀྱི་དབྱིངས།། རང་རིག་བསམ་པའི་ཡུལ་ལས་འདས།། དེ་ཉིད་ཇི་ལྟར་གསལ་བ་ལྟར།། ཐབས་ཀྱི་རྫུ་འཕྲུལ་སྣ་ཚོགས་འཛིན།། གང་དག་གང་ལ་དབང་བ་ནི།། འདི་ནི
56b6 དབང་པོ་མཆོག་ཏུ་གསུངས།། བརྟེན་པའི་ཤེས་རབ་བཅས་པ་ཡི།། དམིགས་པར་བྱ་བའི་ཡུལ་ཉིད་དོ།། ཇི་སྙེད་ཆོས་རྣམས་བསམ་ཡས་པ།། ཐུན་མོང་ཐུན་མོང་མ་ཡིན་པའི།། རྟེན་གྱི་བྱ་བ་ཐམས་ཅད
iiif viewer powered by OpenSeadragon
