| e-texts navigator |
| Wylie |
56a1 པའི་ཐབས།། སྣ་ཚོགས་ཐབས་ནི་སྟོན་པར་མཛད།། མ་དག་པ་དང་མི་འཚམས་ཤིང་།། དག་པ་ལ་འཚམས་རེ་དོགས་མེད།། ཐབས་སྤྱོད་བྱེ་བྲག་མཐའ་ཡས་པ།། མ་བཅོས་ཐབས་ཀྱི་སྤྱོད་པར
56a2 གནས།། གསང་ཆེན་རྣལ་འབྱོར་སྤྱོད་པ་འདི།། དགའ་དང་སྦྱངས་པའི་རང་བཞིན་ལས།། གཞན་དང་བྱིས་པ་ཐ་མལ་དང་།། སྒྲོ་སྐུར་ཡ་གར་གནས་ལ་སོགས།། བྱིན་ན་བར་ཆད་འབྱུང་འགྱུར་ཏེ།། དམྱལ་བ་ཡི།
56a3 དྭགས་བྱོལ་སོང་སོགས།། བསྐལ་པ་རྡུལ་སྙེད་གནས་འགྱུར་ཏེ།། བདེ་བས་ཕོངས་པ་ཉིད་དུ་འགྱུར།། བསྐལ་པ་ཞིང་གི་རྡུལ་སྙེད་དུ།། སྦྱངས་དང་བསགས་པ་གང་ཡིན་པ།། སྐལ་ལྡན་འགའ་ཡི་སྤྱོད་ཡུལ
56a4 ཏེ།། བསྒྲུབ་བྱའི་འབྲས་བུ་སྙིང་པོ་ཉིད།། གསང་བ་ཆེན་པོ་ཐལ་བའི་རྒྱུད།། མ་ལུས་དག་པའི་འཇིག་རྟེན་དུ།། སྐད་ཅིག་བྱིན་རླབས་སྣང་མཛད་པ།། གསང་ཆེན་རྨད་བྱུང་ཐེག་པར་བཤད།། སྒྱུ་འཕྲུལ་ཐལ་བའི་རྒྱུད
56a5 ཆེན་པོ་ལས། གསང་བ་ཐེག་ཆེན་བསྟན་པའི་ལེའུ་སྟེ་ཉི་ཤུ་གཉིས་པའོ།། །། དེ་ནས་གཞན་ཡང་བཤད་བྱ་བ།། རྟོག་པ་ཀུན་ལས་རབ་འདས་པ།། བརྟག་པ་ཀུན་གྱི་ངོ་བོ་ཉིད།། སྒྱུ་འཕྲུལ་དྲ་བས་མངོན་སྣང
56a6 བ།། སངས་རྒྱས་ཀུན་གྱི་རང་བཞིན་ནི།། དག་དང་མ་དག་ཁྱད་པར་གྱིས།། ཕྱི་ནང་ཡུལ་སེམས་དབང་པོར་བཅས།། མ་བཅོས་རང་རིག་དབྱིངས་སུ་འདུས།། འཁོར་དང་མྱ་ངན་འདས་པ་ཡང་།། གཞི་རྩ་མེད
iiif viewer powered by OpenSeadragon
