| e-texts navigator |
| Wylie |
55b1 འགྱུར།། དཀའ་ཐུབ་གདུང་བ་ཀུན་བྲལ་ཞིང་།། ལོངས་སྤྱོད་ལྔ་ལྡན་ཆོ་ག་ཡིས།། འདུས་པ་མེད་པའི་སྤྱོད་པ་ཡིས།། འཇིགས་པ་མེད་པར་རྣམ་པར་གྲོལ།། ནམ་མཁའ་ལྟ་བུར་གང་རྟོགས་པས།། རྒྱལ་པོའི་སྤྱོད་པ
55b2 ལ་བརྟེན་ན།། བར་ཆད་མེད་པར་གསལ་གོམས་པས།། ཡིད་བཞིན་ནོར་བུ་ལྟ་བུར་འགྱུར།། གཞན་ཡང་གསང་ཆེན་ཐིག་ལེ་ནི།། གསང་བའི་ཡིད་འཕྲོག་ཐབས་ཀྱི་རྒྱུད།། མ་ལུས་ཐབས་ཀྱིས་རོལ་སྤྱད་ན།། སྐད
55b3 ཅིག་ཙམ་གྱིས་གྲོལ་བར་འགྱུར།། མ་ལུས་འཆིང་བ་ཡུལ་གྱི་དུག། རྒྱལ་བའི་དགོངས་པས་དབང་བསྒྱུར་ནས།། ཕྱི་ནང་ཡུལ་སེམས་སྣོད་བཅུད་བཅས།། ཐབས་ཆེན་བདེ་བར་མངོན་དུ་གསལ།། བྱེ་བ་བརྒྱ་ཕྲག་མང
55b4 པོའི་ཚོགས།། ལྷ་རྣམས་དང་ནི་ཀླུ་རྣམས་དང་།། འགྲོ་བ་སྐལ་ལྡན་ཐམས་ཅད་ཀྱིས།། འདོད་པའི་ཡོན་ཏན་ལྔ་རྣམས་ལ།། ཅི་འདོད་པར་ནི་སྤྱོད་བཞིན་དུ།། དག་པ་དང་ནི་བདེ་བ་དང་།། ཡིད་བདེ་བ་དང་སེམས
55b5 བདེ་བས།། མ་ལུས་གསང་བ་ཉིད་དུ་བལྟ།། རྣལ་འབྱོར་ཕོ་མོར་འབྲེལ་བ་ཡིས།། མ་ལུས་ཚོགས་ལ་ལོངས་སྤྱོད་ཅིང་།། བལྟ་དང་བགད་དང་འཁྱུད་པ་དང་།། དབང་པོ་ཐུག་དང་ཞལ་ལ་སོགས།། ཕྲད་དང་སྤྱད་པ
55b6 ལ་སོགས་པས།། དགའ་ཞིང་ཉམས་དང་ཐིག་ལེ་བཞི།། ལུས་སེམས་དགའ་བར་གྲོལ་བར་འགྱུར།། བྱིན་རླབས་ཐབས་ཀྱི་ཉམས་ལྡན་པས།། ཉམས་དང་རེ་དོགས་མེད་པ་ཡིས།། གླུ་དང་གར་དང་རོལ
iiif viewer powered by OpenSeadragon
