| e-texts navigator |
| Wylie |
54b1 ཡིན།། ཀུན་གྱིས་སྤངས་པའི་ཆགས་སྡང་ལྔ།། འདོད་ལྔ་དྲན་རྟོག་ཕྲ་རགས་བཅས།། ཐབས་ཀྱིས་དེ་དག་ཟིལ་མནན་ནས།། རྣལ་འབྱོར་བདེ་བའི་ཕ་རོལ་ཕྱིན།། ཚད་མ་གཞན་དང་བྲལ་བ་ཡི།། རང་རིག་བདེ་ཆེན
54b2 བྱང་ཆུབ་སེམས།། ངོ་བོ་རྟོག་དཔྱོད་ལས་འདས་པ།། འགྲོ་འོང་མི་ཡུལ་བསམ་ལས་འདས།། ཐམས་ཅད་བྱང་ཆུབ་སྙིང་པོ་མཆོག། གང་ཕྱིར་བདེ་བ་ཡེ་ཤེས་ནི།། ཆོ་ག་ཐབས་ལས་ཤེས་པར་འགྱུར།། ཐབས
54b3 བྲལ་ཐབས་ལས་རྣམ་པར་འཇོག། རང་བཞིན་ཐབས་ཀྱི་ཕ་རོལ་ཕྱིན།། ཐབས་ཆེན་བདེ་བས་གང་རྟོགས་པ།། བདེ་བས་དཀའ་ཐུབ་ཟིལ་གྱིས་གནོན།། སྒྱུ་འཕྲུལ་དྲ་བ་མངོན་རྫོགས་པ།། ཐབས་ཆེན་གསང
54b4 བའི་ཐིག་ལེ་ནི།། རྟོགས་ཤིང་གོམས་པར་གྲོལ་འགྱུར་ཏེ།། གཞན་གྱིས་ནམ་ཡང་འགྲུབ་མ་ཡིན།། རང་བཞིན་རྟོགས་གོམས་བྱིན་རླབས་ཀྱིས།། དཔེར་ན་ཉི་འོད་རིན་ཆེན་བཞིན།། ལས་དང་བསོད་ནམས་རྐྱེན་དག
54b5 ལས།། ཆུ་དང་མེ་ལོང་གཟུགས་བརྙན་ལྟར།། དངོས་པོ་ཇི་ལྟར་གསལ་བ་ལྟར།། ཐབས་དང་མན་ངག་སྟོབས་ཀྱིས་འགྲུབ།། སྒྱུ་འཕྲུལ་ཆེན་པོ་ཐིག་ལེ་ཉིད།། ཐབས་དང་ཤེས་རབ་གསལ་འགྱུར་བས།། བདེ་བ
54b6 གསལ་ལ་མི་རྟོག་པ།། ཐམས་ཅད་མཁྱེན་པའི་སྟོབས་སུ་སྣང་།། རང་ཉིད་ཕྱག་རྒྱ་སྟོབས་ཆེན་གྱིས།། མི་མཐུན་གཉེན་པོ་བྲལ་བ་ལས།། ཐབས་ཆེན་གསང་བ་མཐར་ཕྱིན་པས།། མན་ངག་ལྡན་པས་འགྲུབ་འགྱུར
iiif viewer powered by OpenSeadragon
