| e-texts navigator |
| Wylie |
54a1 ཡོན་ཏན་དུས་གཅིག་རྫོགས།། གསང་མཆོག་པདྨའི་དཀྱིལ་འཁོར་དུ།། བདེ་ཆེན་རོལ་པ་འདི་གསུངས་ཏེ།། དེ་ལས་གཞན་དང་འབྲེལ་པ་ཡིས།། བསྐལ་པ་བྱེ་བར་ཤེས་མི་འགྱུར།། སྒྱུ་འཕྲུལ་ཐལ
54a2 བའི་རྒྱུད་ཆེན་པོ་ལས། ད་ལྟར་རྣལ་འབྱོར་ཐབས་ཀྱིས་གྲོལ་བའི་ལེའུ་སྟེ་ཉི་ཤུ་གཅིག་པའོ།། །། དེ་ནས་གཞན་ཡང་བཤད་བྱ་བ།། ཐབས་ཆེན་གསང་བའི་ཐིག་པ་སྟེ།། གསང་བ་བརྟུལ་ཞུགས་རོལ་པ
54a3 འདི།། ཀུན་གྱི་ཕྱི་མ་རིག་པ་མཆོག། མ་ལུས་ཀུན་ལས་མཆོག་འགྱུར་ཞིང་།། ཐབས་མཆོག་བདེ་ཆེན་ཕྱག་རྒྱ་མཆོག། མ་ལུས་ཐབས་ཀྱི་བྱིན་རླབས་ཀྱིས།། བདག་གཞན་བདེ་ཆེན་ཕྱག་རྒྱ་སེམས།། རྒྱལ་བ་ཀུན་གྱི
54a4 སྐུ་གསུང་ཐུགས།། མ་ལུས་རོལ་པ་ཐུགས་ཉིད་འདི།། སྐལ་ངན་དམན་དང་རིགས་ཆད་དང་།། བྱིས་པ་རྒན་པོ་མ་ནིང་དང་།། དཀའ་ཐུབ་ལྷ་ངན་རྣམ་པར་སྤང་།། ཐབས་ཆེན་ཡིད་བཞིན་ནོར་བུ་འདི།། ཟབ་དང
54a5 འཕེལ་འགྲིབ་མི་གནས་དང་།། ཐབས་ཆེན་སྐལ་ལྡན་སྤྱོད་ཡུལ་དེ།། གཞན་ལ་མི་གནས་སྤྱོད་ཡུལ་མིན།། བསྐལ་པ་བྱེ་བར་མི་འབྱང་བའི།། ལས་དང་ཉོན་མོངས་སྡུག་བསྔལ་དང་།། སྒྲིབ་པ་བག་ཆགས་ཐམས
54a6 ཅད་ཀུན།། ཐབས་ཆེན་གསང་བས་མངོན་དུ་སེལ།། དཀའ་ཐུབ་གདུང་བས་ལུས་གཟིར་ཅིང་།། ལུས་སེམས་སྡུག་བསྔལ་དབང་བསྒྱུར་བའི།། སངས་རྒྱས་སྲས་སུ་གྱུར་པས་ཀྱང་།། ཕྱོགས་ཙམ་རེག་པར་ནུས་མ
iiif viewer powered by OpenSeadragon
