| e-texts navigator |
| Wylie |
53b1 དང་ཡོན་ཏན་མཐའ་བྲལ་ཞིང་།། དྭངས་མ་ཡེ་ཤེས་འཁོར་ལོ་བསྐོར།། འདོད་པ་ལྔ་ཡིས་བརྒྱན་པར་གནས།། ཉི་ཟླ་གསང་བའི་པདྨར་ལྡན།། དགའ་ཞིང་ལྡན་པས་གང་འཇུག་ན།། ཐིག་ལེ་གོང་འོག་འབབ་པ
53b2 ལ།། དགའ་བ་བརྒྱད་དང་མཚུངས་པར་གནས།། ཕྲ་རགས་བཅུ་དྲུག་ཤེས་པར་བྱ།། གསང་བའི་ཡེ་ཤེས་ལྔ་ལྡན་པས།། ཀུན་ཏུ་ཁྱབ་ཅིང་བར་མ་ཆད།། ཐུན་མོང་ཐུན་མོང་མ་ཡིན་པས།། སྤྲུལ་པའི་ཕྲེང་བ་རྒྱུན་མ
53b3 བཅད།། གསང་བ་རང་བྱུང་སྙིང་པོ་ལ།། རང་བཞིན་ཐབས་ཀྱི་ཁྱད་པར་གྱིས།། བཅིངས་གྱུར་རྣམ་པར་གྲོལ་བའི་ཐབས།། མ་ལུས་འདིར་ནི་ཤེས་པར་བྱ།། དེ་ནས་གཞན་ཡང་བཤད་བྱ་བ།། ཐབས་དང་ཤེས་རབ
53b4 ལྡན་པ་ཡི།། ལྷ་དང་ལྷ་མོར་གནས་སྤྱད་པའི།། སྐྱེས་བུ་ཐབས་ཀྱི་རང་བཞིན་ཏེ།། བུད་མེད་ཤེས་རབ་ཤེས་པར་བྱ།། གསང་བའི་ཐིག་ལེ་འོག་མིན་གནས།། ལས་དང་ཡོན་ཏན་ཆེར་ལྡན་ཞིང་།། རོ་དང་ཉམས་དང
53b5 ཡེ་ཤེས་ཉིད།། སྙིང་པོ་ཐིག་ལེ་ཀུན་ནས་ཟླུམ།། དགའ་བཞི་ཐིག་ལེ་ཀུན་དང་བྲལ།། ཉི་ཟླ་པདྨའི་རང་བཞིན་ཀྱང་།། གནས་ཏེ་སྐུ་གསུང་ཐུགས་ཉིད་དུ།། རང་བཞིན་ཐབས་དང་འབྲེལ་བར་བཤད།། ཐ་མལ་ཞེན་པ
53b6 ཀུན་སྡུད་ཅིང་།། བདེ་ཆེན་ཡེ་ཤེས་རྒྱ་མཚོར་འཁྱིལ།། གསང་བའི་ཐབས་དང་མཉམ་སྦྱོར་བས།། གསང་བའི་ཉི་ཟླ་པདྨོར་བཅས།། ཐོགས་པ་མེད་པར་འབྱུང་འགྱུར་ཏེ།། ས་དང་ཕ་རོལ་ཕྱིན་པ་དང་།། ལས་དང
iiif viewer powered by OpenSeadragon
