| e-texts navigator |
| Wylie |
53a1 གྲུབ་རྡོ་རྗེ་འཆང་དང་བྲལ།། རྡོ་རྗེ་པདྨ་ལྡན་འགྱུར་ཞིང་།། བྱིན་རླབས་ཐབས་ཀྱིས་གང་སྤྱོད་ན།། པདྨ་ལ་ནི་འདམ་བཞིན་དུ།། འཁོར་བ་བདེ་བ་ཆེན་པོར་འགྱུར།། ཟབ་ཅིང་རྒྱ་ཆེ་མཚུངས་མེད
53a2 པའི།། གསང་བའི་རྒྱུད་ཀྱི་ཕྱི་མ་འདི།། དུག་གིས་དུག་ནད་སེལ་བ་ལྟར།། ཐབས་ཆེན་མཆོག་ཏུ་ཤེས་པར་བྱ།། སྐལ་མེད་དམན་དང་དབང་མེད་པའི།། ལོག་པར་གྱུར་པའི་གང་ཟག་གིས།། བསྐལ་པ་བྱེ་བར་ཅི
53a3 བསྟེན་ཀྱང་།། ལོག་པའི་ལམ་དུ་ལྟུང་བར་འགྱུར།། རང་བྱུང་བདེ་བའི་འཁོར་ལོ་ནི།། སྐུ་དང་གསུང་ཐུགས་གང་གནས་པ།། བཅུད་དང་བདེ་ཆེན་ཐབས་མཚོན་པ།། མན་ངག་ལྡན་པས་ཤེས་པར་བྱ།། རང་བྱུང་བདེ
53a4 བ་ཆེན་པོའི་རྟེན།། འཁོར་ལོ་གདུགས་དང་སྲོག་ཤིང་གསུམ།། དྭངས་མ་ཐིག་ལེ་ཡེ་ཤེས་བཅས།། ལྔ་ལྟར་གསལ་ཞིང་གཅིག་ཏུ་ཐིམ།། བདེ་བས་བདེ་བ་གསལ་བྱེད་པ།། དཀའ་ཐུབ་འཇིག་རྟེན་ཆོས་དང
53a5 བྲལ།། གང་ཟག་ཆགས་དང་བྲལ་བའི་ཡིག། བདེ་ཆེན་རོལ་པའི་ཐབས་འཇུག་ཅིང་།། མན་ངག་ཐབས་ཀྱིས་བདེ་སྤྱད་ན།། ཐམས་ཅད་བདེ་ཆེན་བཞིན་དུ་སྦྱོར།། སངས་རྒྱས་ཀུན་གྱི་གསུང་མཆོག་སྟེ།། ལྷན་ཅིག
53a6 སྐྱེས་པའི་ཡེ་ཤེས་འདི།། སྒྲ་དང་ཚད་མ་ཀུན་སྤངས་ནས།། རོལ་པའི་ཐབས་ཆེན་ལྡན་པས་གསུངས།། དེ་ནས་གཞན་ཡང་བཤད་བྱ་བ།། གསང་བའི་ཐིག་ལེ་ཆེན་པོ་ནི།། མངོན་པས་མཐོང་བས་གོང་མིན་ཏེ།། ལས
iiif viewer powered by OpenSeadragon
