| e-texts navigator |
| Wylie |
52b1 བ།། དངོས་མེད་དངོས་མིན་གཉིས་ཀ་མིན།། ཐབས་དང་ཤེས་རབ་སྦྱོར་མེད་པའོ།། གང་དུ་རིག་པ་དབྱེར་མེད་ན།། བདེ་ཆེན་སྟོང་པའི་ཐིག་ལེ་ལ།། མཁའ་ལྟར་དངོས་དང་དངོས་མེད་སྤངས།། འདི་ཉིད་སྒྱུ་འཕྲུལ
52b2 དྲ་བའོ།། སངས་རྒྱས་ཀུན་དང་དབྱེར་མེད་པའི།། ཐིག་ལེ་གསང་བའི་བདག་ཉིད་ནི།། ཐམས་ཅད་བདེ་ཆེན་དབྱེར་མེད་དེ།། ཐམས་ཅད་ཁྱབ་པའི་ཚུལ་དུ་སྣང་།། རང་བྱུང་ཐིག་ལེ་བདག་ཉིད་ནི།། ཕྱི་ནང་གསང
52b3 བའི་རང་བཞིན་གྱིས།། ཤེས་པ་གང་ལ་གོམས་པ་ཡིས།། ད་ལྟ་ཉིད་དུ་འགྲུབ་པར་འགྱུར།། ཕྱོགས་བཅུའི་རྣལ་འབྱོར་དབང་ཕྱུག་རྣམས།། སྒྱུ་འཕྲུལ་དྲ་བ་བརྟན་གོམས་ཤིང་།། ཐབས་ཆེན་ཐིག་ལེ་གསལ་བརྟན
52b4 ན།། མི་གཡོ་རབ་ཏུ་དང་བའི་ཡིད།། སངས་རྒྱས་ཀུན་གྱི་བདག་ཉིད་འགྲུབ།། གསང་མཆོག་ཐབས་ཀྱི་རོལ་པ་ཡི།། བདེ་ཆེན་མཉམ་པའི་ངོ་བོ་ཉིད།། སྐལ་ངན་དམན་པའི་ཡུལ་མིན་ཏེ།། རྡོ་རྗེ་འཆང་ཆེན་བཅས
52b5 པའི་ཡུལ།། ཉི་ཟླ་གནས་པའི་ཐིག་ལེ་ཉིད།། དུས་གསུམ་རྒྱལ་བའི་བཅུད་ཡིན་ཏེ།། མན་ངག་ཐབས་དང་འབྲེལ་པ་ཡིས།། སྡུག་བསྔལ་མེད་པར་རྟོགས་ཤིང་འགྲུབ།། རང་ལུས་ཐབས་ཀྱི་རྒྱལ་པོ་ལ།། ཆགས
52b6 བས་ལྡན་གང་ཟག་གིས།། འདོད་ལྔ་རོལ་པས་བདེར་སྤྲད་ན།། ཚེ་འདི་ཉིད་ལ་འགྲུབ་པར་འགྱུར།། བདེ་ཆེན་རོལ་པའི་ཐབས་མེད་ན།། ཐ་མལ་ཞེན་པའི་སྣང་བ་ལ།། ཁྱད་པར་བྱེ་བྲག་ཅི་བསྟེན་ཀྱང་།། ལྷན
iiif viewer powered by OpenSeadragon
