| e-texts navigator |
| Wylie |
52a1 རྟོགས་སྐྱེས་ལ་དབང་ཐོབ་པས།། རྫོགས་པའི་ཐིག་ལེ་གང་བསྐུལ་བས།། ཉི་ཟླ་འདྲེས་པའི་གར་ལས་བྱུང་།། གསང་བའི་བྱང་ཆུབ་ཐིག་ལེ་ནི།། ཟག་པ་མེད་པའི་ཐབས་ཀྱིས་མཚོན།། ཐབས་ཀྱི་རྫུ
52a2 འཕྲུལ་མཐར་ཕྱིན་པ།། མཐོང་བའི་དོན་ཉིད་ཡེ་ཤེས་རྫོགས།། ཕྱག་རྒྱ་མཚོན་པའི་ངོ་བོ་ལས།། བདེ་བ་ཆེན་པོར་རྒྱས་བཏང་བས།། གང་ཡང་མཚོན་པ་ལས་འདས་པས།། ལྷན་ཅིག་སྐྱེས་པའི་ངོ་བོར་གསལ།། དེ
52a3 ལྟར་ཕྱོགས་བཅུར་མཐའ་ཡས་པ།། རང་བྱུང་ཐིག་ལེ་རང་སྣང་བདེ།། མེ་ལོང་དང་ནི་གཟུགས་བརྙན་ལྟར།། གསང་བའི་ཐབས་ལ་བརྟེན་པ་མཐོང་།། གསང་ཆེན་ཐབས་ཀྱིས་སྒྱུ་འཕྲུལ་པས།། མ་བཅོས་དྲ་བ་མཚོན
52a4 པར་སྣང་།། རྒྱལ་བ་ཀུན་གྱི་དགོངས་པ་ནི།། མ་ལུས་གཅིག་དང་ཐ་དད་མིན།། གསང་གསུང་ཐབས་ལ་བརྟེན་པ་ཡིས།། སྐྱེ་བ་འདི་ཡིས་རྣམ་པར་གྲོལ།། དྭངས་མའི་ཐིག་ལེ་བཅུད་འདུས་པ།། ཐབས་ཀྱི་སྙིང་པོར
52a5 གོམས་པས་ན།། རང་བྱུང་རིག་པ་བདེ་ཆེན་པོ།། འགྲོ་འོང་རེ་དོགས་མེད་པས་གསལ།། བདག་ཉིད་མ་ལུས་ཀུན་སྣང་བ།། ཞེན་པ་རང་གི་ངོ་བོར་ལྡོག། ཞེན་པ་མ་བཅོས་རང་སྣང་བས།། ཐམས་ཅད་ལྷན་ཅིག་སྐྱེས
52a6 པར་གསལ།། པདྨ་རྡོ་རྗེ་ལ་བརྟེན་པའི།། ཐབས་ཀྱི་ལམ་ལ་བརྟེན་པ་ཡིས།། རིག་པ་ཕྱི་ནང་བཅས་པའི་སེམས།། མ་ལུས་བདེ་ཆེན་ངོ་བོར་གྲོལ།། ཐམས་ཅད་བདེ་བ་ཆེན་པོ་ལ།། ཞེན་པས་བརྟགས་པ་རང་སྣང
iiif viewer powered by OpenSeadragon
