| e-texts navigator |
| Wylie |
51a1 མཁའི་མཐའ་འཚོལ་ལྟར།། བྱང་ཆུབ་འབྲས་བུ་ཅུང་ཟད་མེད།། འདས་དང་ད་ལྟར་མ་བྱོན་པའི།། སངས་རྒྱས་ཀུན་གྱི་སྐུ་གསུང་ཐུགས།། བདེ་བ་ཆེན་པོ་མངོན་ཕྱུང་བའི།། གསང་བའི་ཐིག་ལེ་ཐབས
51a2 ཀྱི་རྒྱུད།། འགྲོ་བ་ཞེན་ཅིང་ཆགས་པ་དང་།། ཐབས་ཀྱིས་མངོན་པར་གྲོལ་བྱེད་པ།། ལྷག་པའི་ལྟ་བ་གསལ་བྱེད་ཅིང་།། སྤྱོད་པ་རྨད་བྱུང་མཐུ་ཡིས་ནི།། མ་ལུས་བྱིན་རླབས་བདེ་འབྱུང་ཞིང་།། ཡེ་ཤེས་ལྔ་ཡི་འཁོར
51a3 ལོ་བསྐོར།། མ་ལུས་བདེ་ཆེན་སྣང་བ་ལ།། མི་མཐུན་ཐ་དད་ཡོད་མ་ཡིན།། སྒྱུ་འཕྲུལ་ཐལ་བའི་རྒྱུད་ཆེན་པོ་ལས། འདས་པའི་རྒྱལ་བ་ཐབས་ཀྱི་གྲོལ་བའི་ལེའུ་སྟེ་ཉི་ཤུ་པའོ།། །། དེ་ནས་གཞན་ཡང་བཤད་བྱ
51a4 བ།། ད་ལྟར་ཕྱོགས་བཅུ་རྡུལ་སྙེད་ཀྱི།། ཞིང་ཁམས་ཕྱི་ནང་སྣོད་བཅུད་བཅས།། སངས་རྒྱས་ཀུན་གྱི་དགོངས་པ་བཤད།། འདི་ནི་སངས་རྒྱས་ཐམས་ཅད་ཀྱི།། རྨད་བྱུང་གསང་བ་བླ་ན་མེད།། སྒྱུ་འཕྲུལ་དྲ་བ་ཆོས་ཀྱི
51a5 དབྱིངས།། གང་དུ་དམིགས་པ་མེད་པ་ནི།། བདེ་བ་ཆེན་པོས་ཁྱབ་པ་སྟེ།། དབང་དང་མན་ངག་ལ་བརྟེན་པའི།། དགོངས་པ་ཐབས་ཀྱི་ཁྱད་པར་གྱིས།། གསང་བའི་གསང་བ་མངོན་དུ་འཆར།། ཀུན་ཏུ་སྒྱུ་འཕྲུལ་ཟབ
51a6 མོ་འདི།། དབྱེར་མེད་དྲ་བ་དོན་ཆེན་པོ།། ཐོག་མཐའ་མེད་པའི་དོན་ཆེན་པོ།། རང་བཞིན་ཐབས་ཀྱི་སྟོབས་ལས་སྣང་།། ཐིག་ལེ་སྣོད་བཅུད་བཅས་པ་ཡི།། མ་ལུས་ཐམས་ཅད་དཀྱིལ་འཁོར་ཉིད།། རང་ལ་གནས
iiif viewer powered by OpenSeadragon
