| e-texts navigator |
| Wylie |
50a1 གསལ།། གཞན་དུ་སུས་ཀྱང་རྟོགས་མི་འགྱུར།། བསྐལ་པ་གྲངས་མེད་རྡུལ་བྲལ་དུ།། ཐེག་དམན་དཀའ་ཐུབ་རྟོག་གེ་ཡི།། བྱིས་པ་རྣམས་ཀྱིས་མི་རྟོགས་པ།། གསང་བའི་ཐབས་ཀྱིས་མངོན་དུ
50a2 འཆར།། ཡེ་ཤེས་དག་དང་ཏིང་འཛིན་རྒྱུད།། ལས་ཀྱིས་གང་ལ་གསལ་བྱས་པ།། དངོས་པོ་ཇི་སྙེད་མ་ལུས་པ།། བདེ་བ་ཆེན་པོ་ཉིད་དུ་འགྱུར།། འདི་ལ་ཁྲུས་དང་གཙང་སྦྲ་མེད།། ཆོ་ག་སྔགས་དང་ཕྱག་རྒྱ
50a3 མེད།། འཇིགས་དང་ངོ་ཚ་ཞེན་པ་མེད།། རང་བྱུང་བདེ་བ་ཉིད་དུ་གསལ།། སྒྱུ་འཕྲུལ་དྲ་བ་ཐབས་ཆེན་པོ།། མ་ལུས་བཅུད་འདུས་ཐིག་ལེ་ལ།། ཡེ་ཤེས་རྫོགས་པའི་རོ་ལྡན་པ།། གསང་སྔགས་ཐབས་ཀྱིས་མངོན
50a4 སུམ་གསུངས།། ཐོག་མ་མེད་པའི་རྒྱལ་བ་རྣམས།། ཐབས་དང་ཤེས་རབ་རོལ་པ་ཡིས།། བདེ་བ་ཆེན་པོ་ལས་བྱུང་བའི།། ཞིང་ཁམས་རྒྱལ་བ་ཉིད་དུ་སྣང་།། གསང་བའི་ཡེ་ཤེས་བདེ་བའི་མཆོག། མ་ལུས་ཐིག་ལེ
50a5 གཅིག་འདུས་པ།། ཐབས་དང་ལྡན་པའི་སྣོད་བཅུད་པས།། མ་ལུས་ལྷན་ཅིག་སྐྱེས་པར་གསལ།། མ་ལུས་རོལ་པ་བདེ་མཆོག་སྟེ།། རྒྱལ་བ་རྣལ་འབྱོར་ཆེན་པོ་རྣམས།། བདེ་བ་ཆེན་པོ་རོ་གཅིག་པ།། སངས་རྒྱས
50a6 ཀུན་གྱི་དགོངས་པ་ཉིད།། རང་བྱུང་སྒྱུ་འཕྲུལ་དྲ་བ་ལས།། ཉི་ཟླ་ཐབས་ཀྱིས་གང་མཚོན་པ།། ཞིང་ཁམས་ལུས་སུ་བཅས་པ་དག། ཟག་མེད་བདེ་བར་སྣང་བ་དག། ཐབས་དང་ཤེས་རབ་གཉིས་མེད་པ།། གང
iiif viewer powered by OpenSeadragon
