| e-texts navigator |
| Wylie |
49b1 བར་མི་ཕྱེད་པའི།། མཁའ་ལྟར་རྡུལ་བྲལ་མི་གནས་པ།། བདེ་བ་ཆེན་པོའི་ངོ་བོར་གནས།། རྡོ་རྗེ་ཐིག་ལེ་མི་ཕྱེད་གཟུགས།། རང་བྱུང་བདེ་བར་ཀུན་སྣང་ནས།། འཇུག་དང་མི་འཇུག་ཡུལ་ལས་འདས།། དུས་གསུམ
49b2 འཇུག་པ་ཡོངས་ཀྱིས་མེད།། སངས་རྒྱས་ཀུན་གྱི་ངོ་བོ་ཉིད།། བསྐལ་པ་མི་འགྱུར་ཐོག་མ་ལ།། སྐལ་ལྡན་མངོན་རྫོགས་རྒྱལ་པོ་ཡིས།། རྡུལ་སྙེད་རྡོ་རྗེ་འཛིན་པ་ལ།། འདོད་འཛིན་ཞེན་པ་གྲོལ་བའི་ཐབས།། མན
49b3 ངག་དབང་གི་ཐབས་ཀྱིས་བསྟན།། ཐོག་མཐའ་མེད་པའི་བདེ་བ་ཆེ།། རང་བྱུང་ཐིག་ལེ་བསམ་མི་ཁྱབ།། ཆགས་བྲལ་ཆགས་ཆེན་འདུལ་བའི་ཕྱིར།། ཐབས་ཆེན་གྲོལ་བ་སྣ་ཚོགས་ཀྱིས།། འགྲོ་བ་ཐབས་ཀྱིས་གྲོལ
49b4 མཛད་ཕྱིར།། རྡོ་རྗེ་འཆང་བའི་འཁོར་ཚོགས་ལ།། འདས་པའི་རྒྱལ་བ་ཀུན་གྱིས་བཤད།། སྒྱུ་འཕྲུལ་རོལ་པ་ཆེན་པོ་འདི།། མ་ལུས་འདུས་པའི་ཐབས་ཡིན་ཏེ།། གསང་བ་ཉམས་ལས་མངོན་སྣང་གིས།། རྟོག་གེ
49b5 དམན་པའི་སྤྱོད་ཡུལ་མིན།། གང་དུ་ཐབས་ཀྱི་སྣང་བ་འདི།། སྔ་རབས་འདས་པའི་སངས་རྒྱས་ཀྱིས།། འདོད་ཆགས་བདེ་བར་རྒྱས་བྱེད་པ།། གསང་བའི་ཐབས་ཆེན་རྒྱུད་འདི་བཤད། དེ་དག་ཐབས་ཀྱིས་གསལ
49b6 བར་བྱེད།། དེ་དག་གང་ལ་ཐབས་མཚོན་པ།། མི་འདུལ་ལོག་པར་འཇུག་པར་འགྱུར།། བདེ་ཆེན་རོལ་པའི་རང་བཞིན་འདི།། ཐབས་ཆེན་དབང་གི་རང་བཞིན་ལ།། ཏིང་འཛིན་རྒྱུད་པའི་ཐབས་ཀྱིས
iiif viewer powered by OpenSeadragon
