| e-texts navigator |
| Wylie |
48b1 མཆོག་ཉིད་དེ།། སོ་སོ་ངོ་བོར་རྣམ་པར་བསྟན།། གཞན་དུ་དམན་པའི་རྣལ་འབྱོར་པས།། ནམ་ཡང་འགྲུབ་པར་མི་འགྱུར་རོ།། བདེ་བ་ཆེན་པོ་གསལ་འགྱུར་ཞིང་།། དབང་བསྐུར་མན་ངག་ལ་གནས
48b2 པས།། དཀའ་ཐུབ་གདུང་བ་སྤངས་པ་ཡིན།། བར་ཆད་མེད་པར་འགྲུབ་འགྱུར་ཏེ།། གསང་སྔགས་ཐབས་ཀྱི་རྒྱལ་པོ་འདི།། སྐུ་གསུང་ཐུགས་ལ་རྟག་གནས་ཤིང་།། འདོད་ལྔ་བདེ་ལ་གནས་པ་ཡི།། སྒྱུ་འཕྲུལ་དྲ
48b3 བར་ཐབས་ཀྱིས་འགྲུབ།། སངས་རྒྱས་ཀུན་གྱི་རང་བཞིན་འདི།། ལུས་གནས་ཐབས་ཀྱིས་མ་རྟོགས་པ།། བསམ་པའི་སྒྱུ་འཕྲུལ་ལ་བརྟེན་ཅིང་།། ཆོ་ག་ཐབས་ཆེན་ལྡན་པས་འགྲུབ།། རྣལ་འབྱོར་ཐབས་དང་ཤེས
48b4 རབ་ལྡན།། དབང་ལ་བརྟེན་ནས་གོམས་པ་ཡིས།། ཐམས་ཅད་བདེ་ཆེན་རྒྱས་བཏབ་པས།། བདུད་དང་ཞེན་པ་ཀུན་ལས་འདས།། ཀུན་འབྱུང་བ་ཡི་སྒྱུ་འཕྲུལ་ཆེ།། མཉམ་ལ་མཉམ་པར་མི་གནས་པའི།། མ་སྐྱེས
48b5 བདེ་ཆེན་ཐིག་ལེ་འདི།། སྣ་ཚོགས་སྣང་ཞིང་ཉིད་ལ་རྫོགས།། སྒྱུ་འཕྲུལ་ཐལ་བའི་རྒྱུད་ཆེན་པོ་ལས། སྐལ་ལྡན་གྲོལ་བའི་ལེའུ་སྟེ་བཅུ་དགུ་པའོ།། །། དེ་ནས་གཞན་ཡང་བཤད་བྱ་བ།། ཆགས་པའི་ཐབས་ཆེན
48b6 ལས་བྱུང་བ།། གསང་བའི་སྒྱུ་འཕྲུལ་དམ་པ་འདི།། སངས་རྒྱས་ཀུན་གྱི་བཤད་པ་ཡིན།། དུས་གསུམ་གདུལ་བྱའི་ཁྱད་པར་རྣམས།། འདོད་དང་འཁྲིག་པ་ལ་མོས་པས།། རྡུལ་སྙེད་སངས་རྒྱས་ཐམས་ཅད་ཀུན།། ལྷ
iiif viewer powered by OpenSeadragon
