| e-texts navigator |
| Wylie |
48a1 དང་བྲལ།། མ་སྐྱེས་རང་བཞིན་དབྱེར་མེད་ལ།། གཅིག་དང་དུ་མའི་ཆ་ཤས་མེད།། གསལ་བའི་ཡིད་ཀྱི་ཐིག་ལེ་ལ།། རང་དྲག་གསལ་བས་གནས་པའི་ཚེ།། ཕྱི་ནང་སྣོད་བཅུད་མ་ལུས་པ།། རང་བྱུང
48a2 ཡེ་ཤེས་གསལ་བར་སྐྱེ།། རང་བྱུང་ཡེ་ཤེས་དབྱེར་མེད་པ།། ནམ་མཁའ་ལྟ་བུར་དཔག་མེད་ཅིང་།། བརྗོད་ཅིང་བསྟན་པར་མི་ནུས་པ།། བྱིན་རླབས་ཉམས་ཀྱིས་གསལ་བར་མཐོང་།། གསང་ཆེན་ཐབས་ཀྱི་ཉམས
48a3 མྱོང་བས།། རྒྱུ་བ་ཕྱི་ནང་རང་བཞིན་འཆད།། རེ་དོགས་འདུ་ཤེས་སྟོང་པར་ཐིམ།། རྒྱུ་རྐྱེན་བྲལ་བའི་ངོ་བོར་སྨིན།། གསང་བའི་ཐབས་ཀྱིས་གང་སྦྱར་བ།། གཡོ་དང་མི་གཡོར་བཅས་པ་དག། མ་ལུས་བདེ་ཆེན་རང
48a4 བཞིན་ཏེ།། ཐམས་ཅད་མཉམ་པ་ཉིད་དུ་གནས།། ཕྱི་ནང་སྣོད་བཅུད་མ་ལུས་པ།། གསང་བའི་སྣོད་བཅུད་ཐིག་ལེ་ཡིས།། ཐབས་དང་ཉམས་ལ་བརྟན་གོམས་ན།། བདེ་ཆེན་སྐུ་གསུང་ཐུགས་སུ་གསལ།། ཡོན་ཏན
48a5 རྫོགས་པའི་རང་བཞིན་ལ།། བླ་མའི་སྟོབས་ཀྱིས་རང་རིག་པ།། བདེ་ཆེན་ཐིག་ལེ་མཉམ་སྦྱོར་བས།། ཟག་པ་མེད་པའི་བདེ་ཆེན་གསལ།། སྐྱོབ་པ་ཐབས་ཀྱི་བདེར་གནས་ཤིང་།། གར་ཐབས་རླུང་ལ་དབང་བསྒྱུར
48a6 བས།། མ་ལུས་ལྷན་ཅིག་སྐྱེས་པ་སྟེ།། རྒས་དང་རྒུད་དང་དམན་པ་དང་།། མ་ནིང་ལ་སོགས་བཅད་པ་ཡིས།། ཐབས་དང་མན་ངག་ལ་གནས་པས།། ཇི་ལྟར་བསྒྲུབས་ཀྱང་ཚེ་འདིས་འགྲུབ།། རང་ལུས་ཐབས་ཀྱི
iiif viewer powered by OpenSeadragon
