| e-texts navigator |
| Wylie |
46b1 ལྟར།། བཅོས་བསྒྱུར་མེད་པར་རང་སྣང་བ།། སྐྱེས་བུ་མཆོག་གི་དོན་དུ་བཤད། སྒྱུ་འཕྲུལ་ཐལ་བའི་རྒྱུད་ཆེན་པོ་ལས། ཐབས་དང་བྲལ་བས་མི་གྲོལ་བར་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས
46b2 གཞན་ཡང་བཤད་བྱ་བ།། གང་དུ་དག་པའི་རྣལ་འབྱོར་པ།། བླ་མ་བྱིན་རླབས་ཐབས་ལྡན་པས།། གྲོལ་བའི་ཚུལ་འདི་བཤད་པར་བྱ།། ཐབས་དང་ཤེས་རབ་ལྡན་པ་ཡིས།། ཕྱོགས་ཀུན་མཉམ་པ་ཉིད་འགྱུར
46b3 ཞིང་།། མ་ལུས་ཐབས་ཅན་སྣང་བ་སྟེ།། རང་བྱུང་གསང་བའི་མེ་ལོང་ཉིད།། དབང་པོ་ཡུལ་སེམས་མེ་ལོང་ལ།། གསང་བའི་ཐབས་ཀྱིས་མ་ཟིན་པ།། ཐམས་ཅད་ཡེ་ཤེས་རང་སྣང་བ།། ཐབས་ལྡན་རྣམས་ལ་སྣང
46b4 བར་ཟད།། རྡོ་རྗེ་མེ་ལོང་བསྟན་པའི་མཛོད།། ཐབས་ཆེན་ལུས་ལ་རང་བཞིན་རྫོགས།། མེ་ལོང་བཞི་ལ་སྲོག་ཤིང་གསུམ།། བསྐྱོད་པ་རླུང་སེམས་སྦྱོར་བ་ཡིས།། གསལ་བ་ཡེ་ཤེས་རེ་དོགས་བྲལ།། མྱུར་དུ་འབྱུང
46b5 བར་ཐེ་ཚོམ་མེད།། ཐབས་ལྡན་རྐྱེན་གྱིས་གསལ་གྱུར་ན།། ལས་དང་ཉོན་མོངས་གསལ་བ་དང་།། ཇི་ལྟར་མེ་ལ་ཤིང་བསྣན་ལྟར།། ལྷག་པའི་ཡེ་ཤེས་གསལ་བར་འགྱུར།། ཐབས་ལམ་གསལ་བའི་མར་མེ
46b6 འདི།། རང་བྱུང་ལྷན་ཅིག་སྐྱེས་པ་མཐོང་།། མ་ཆགས་ཐབས་ཀྱི་སྦྱོར་བ་ཡིས།། གོམས་པའི་སྟོབས་ལ་གནས་གྱུར་ན།། མ་ལུས་ཡེ་ཤེས་ཆེན་པོ་སྟེ།། ལྷུན་གྲུབ་ཡེ་ཤེས་ཐོགས་པ་མེད།། ཐིག་ལེ་ཤུམ་གྱི་འོད་ལྡན
iiif viewer powered by OpenSeadragon
