| e-texts navigator |
| Wylie |
46a1 ཆགས་པའི་བདེ་བ་བསྐྱེད་མཛད་དེ།། བལྟ་དང་བལྟ་ཞིང་འཛུམ་པ་དང་།། ལ་ལར་ཞལ་སྦྱོར་འཛིན་པ་དང་།། ལ་ལར་དམ་དུ་འཁྱུད་པར་བྱེད།། བརླ་གཉིས་དམ་པར་འཁྱུད་པ་ཡིས།། གསང་དབང
46a2 པདྨར་བཅུག་བསྐྱོད་པས།། ཕྱི་ནང་སེམས་དང་སེམས་བྱུང་རྣམས།། རང་བྱུང་བདེ་བར་ཞེན་པ་རྣམས།། ཐིག་ལེ་རྩ་སློར་བྱུང་བ་ལ།། བྱེད་པ་སྡོམ་པ་ཐབས་མཚོན་པས།། ཕྱི་ནང་ཡུལ་སེམས་མ་ལུས་པ།། ལྷན་ཅིག
46a3 སྐྱེས་པའི་རང་བཞིན་གསལ།། རྩ་ཡི་སྒྲ་བཞིན་མཐོང་མེད་པས།། མ་སྐྱེས་ཨ་ཡི་རང་བཞིན་ལ།། ཐབས་ཆེན་རང་གིས་མཚོན་པ་ནི།། ཐམས་ཅད་མ་ཧཱ་སུ་ཁའི་ཀློང་།། གསང་བ་ཐབས་ཀྱི་ཉམས་ལྡན་པས།། ཕྱི་ནང
46a4 སྣོད་བཅུད་གང་ཡང་རུང་།། ཨ་ལ་དབྱུག་བཏགས་དཀར་ལྡན་ཉིད།། དེ་ཉིད་སྒྱུ་འཕྲུལ་དྲ་བར་བཤད།། ཐམས་ཅད་གཅིག་གི་རང་བཞིན་ལ།། ཐབས་དང་ཤེས་རབ་མངོན་ཕྱུང་བས།། དབང་པོ་ཡུལ་སེམས་ལྡན་པ
46a5 བཅུ་དྲུག་ཡེ་ཤེས་གསལ་བ་སྐྱེ།། གནས་དང་གནས་པའི་དབྱིབས་ཅན་དང་།། རྟེན་དང་བརྟེན་པའི་ཐིག་ལེ་དག། མཁའ་དབྱིངས་གསང་བར་བརྟེན་པ་ལས།། རང་བྱུང་ཡེ་ཤེས་ཐོགས་པ་མེད།། གསང
46a6 བ་ཐབས་ཀྱི་ཐིག་ལེ་ཉིད།། རང་བྱུང་ཡེ་ཤེས་ཆགས་མེད་པས།། མཁའ་ལྟར་ཀུན་ལ་ཁྱབ་གྱུར་ཀྱང་།། རང་བཞིན་དམན་པས་རྟོགས་མི་འགྱུར།། གང་ལ་གསང་བའི་ཐབས་ལྡན་པས།། མུན་པ་ལ་ནི་སྣང་བ
iiif viewer powered by OpenSeadragon
