| e-texts navigator |
| Wylie |
45b1 ཉིད་ཡོན་ཏན་ཡེ་ཤེས་རྩ།། རང་རྒྱུད་ཀུན་ལ་གནས་པ་ནི།། དམན་པ་རྣམས་ཀྱི་ཡུལ་མིན་པས།། གབ་ཅིང་སྦས་པར་ཤེས་པར་བྱ།། ཏིང་འཛིན་གསུམ་དང་བསྙེན་བསྒྲུབ་བཞི།། དཀྱིལ་འཁོར་ལ་སོགས་པ་གང
45b2 གིས།། སྒོ་གསུམ་ཁྱབ་པར་ཅི་སྤྱད་པ།། ཞེན་པ་མཚན་མའི་དབང་གིས་ན།། འཁོར་བའི་མཐའ་མར་ལྟུང་བར་འགྱུར།། རང་བཞིན་ངན་དང་མ་སྦྱངས་དང་།། དཀའ་ཐུབ་ཅན་དང་དམ་མེད་དང་།། ཞེན་ཆགས་ཅན
45b3 དང་ཕྲག་དོག་ཅན།། ལོག་སྲེད་ཅན་དང་ལེ་ལོ་ཅན།། ལོག་པའི་གང་ཟག་དབང་སོགས་པའི།། དམ་པ་མིན་པར་ཤིན་ཏུ་སྤངས།། འདི་ནི་འཁོར་བའི་གཞོལ་ཕྱོགས་ཏེ།། རང་བཞིན་ལོག་པའི་མཐུ་ལྡན
45b4 པས།། གསང་བའི་དོན་ལ་ལོག་པ་ཡིས།། བདག་གཞན་གཉིས་ཀ་ལྟུང་བར་འགྱུར།། གསང་ཆེན་སྒྱུ་འཕྲུལ་དྲ་བ་སྟེ།། ཐབས་ཆེན་མངོན་ཕྱུང་བསྟན་པ་སྟེ།། མ་ལུས་བདེ་ཆེན་རང་སྣང་བ།། མངོན་སྣང་གཞན
45b5 གྱི་སྤྱོད་ཡུལ་མིན།། ཐབས་དང་ཤེས་རབ་གཉིས་མེད་པ།། མཉམ་པ་དབྱེར་མེད་ཐེག་པ་འདི།། གང་ལྟར་སྤྱད་པས་ཕ་རོལ་ཕྱིན།། གསང་བའི་མཆོག་ཏུ་འདི་བཤད་དོ།། ཐབས་དང་ཤེས་རབ་ལྡན་པ་ཡིས།། འདོད
45b6 ཆགས་ལ་བརྟེན་བདེ་བ་ཡིས།། སྤྱོད་ཡུལ་བདེ་བ་ཆེན་པོར་སྣང་།། དེ་ཉིད་རང་བྱུང་ཉིད་ཅེས་བྱ།། མ་ལུས་རོལ་པ་ཐབས་ཀྱི་རྒྱུད།། གསང་བ་འདི་ནི་བཤད་པ་ཡིས།། ཐབས་དང་ཤེས་རབ་ཐམས་ཅད་ཀུན།།
iiif viewer powered by OpenSeadragon
