| e-texts navigator |
| Wylie |
45a1 སྣང་།། རང་བྱུང་ཡེ་ཤེས་གནས་མེད་ལ།། ཕྱོགས་དང་རྒྱ་དབྱིབས་ལས་འདས་པ།། མ་རིག་མ་སྐྱེས་དེ་བཞིན་ཉིད།། སྒྱུ་འཕྲུལ་ཤེས་རབ་གསལ་བར་སྣང་།། གང་དུ་རྟོགས་དང་མ
45a2 རྟོགས་ལས།། འཁོར་དང་མྱ་ངན་འདས་པར་སྣང་།། ཀུན་འབྱུང་ཡིད་ཀྱི་དཀྱིལ་འཁོར་ཏེ།། ཆོས་ཀྱི་ཡིད་དེར་འདུས་པ་ཡིན།། དངོས་པོ་མེད་ལས་དངོས་པོར་སྣང་།། དངོས་སྣང་དེ་བཞིན་ཡིད་ཀྱི་དབྱིངས།། ཐབས
45a3 དང་ཤེས་རབ་དབྱེར་མེད་པ།། མ་བཅོས་རྒྱུན་གྱི་བྱང་ཆུབ་སེམས།། ཡིད་ཀྱི་འཁོར་ལོ་སྒོ་ཕྱེ་བས།། ཆོས་ཀྱི་དཀྱིལ་འཁོར་རང་བཞིན་གསལ།། མཁའ་ལ་འབྱམས་ཤིང་སྤྲིན་ཕུང་བཞིན།། མ་སྐྱེས་སེམས་ལས
45a4 རྣམ་པར་སྣང་།། སྣ་ཚོགས་དཀྱིལ་འཁོར་ཕྱག་རྒྱ་དང་།། སྐུ་དང་གཞལ་ཡས་འདུ་འཕྲོ་ཡང་།། མ་སྐྱེས་རང་རིག་བྱང་ཆུབ་སེམས།། དབྱེ་བ་མེད་པར་རང་བཞིན་གནས།། ཇི་སྙེད་ཐ་སྙད་དམིགས་རྟོག་ཀུན།། ཆུ་ལ
45a5 ཆུ་བུར་རྣམ་པ་ལྟར།། རང་བཞིན་མེད་ལ་གནས་པ་ཡི།། ཡིད་དང་ཆོས་སུ་ཡང་དག་འདུ།། ནང་གི་དཀྱིལ་འཁོར་ཆོས་ཀྱི་གནས།། འོད་བཞི་ཨེ་སོགས་དབྱིབས་སུ་གནས།། རྩ་བ་བཞི་ལ་ཡན་ལག་བརྒྱད།། དངས
45a6 མ་ལྔ་དང་སྙིགས་མར་བཅས།། རྣམ་ཤེས་རྒྱུ་བའི་རྐྱེན་དུ་བཤད།། ས་བོན་དྲུག་སྟེ་འོད་བཞིར་ལྡན།། སྙིང་པོས་མཚམས་སྦྱར་འོད་དུ་འབར།། ཐིག་ལེ་གཅིག་ལ་ཐིམ་པ་ཡིས།། ཟག་པ་མེད་པའི་ཡེ་ཤེས་སྐྱེ།། ཆོས
iiif viewer powered by OpenSeadragon
