| e-texts navigator |
| Wylie |
43b1 གཅིག་རིག་པ་ལས་བྱུང་བ།། ཕྱག་རྒྱ་བཞི་ལྡན་རབ་སྦྱོར་བས།། ཐབས་ཀྱི་ཐིག་ལེ་སྨིན་པའི་ཚེ།། རེ་དོགས་འཇིགས་པའི་རྣམ་རྟོག་དག། ཐམས་ཅད་བདེ་བ་ཆེན་པོར་འབར།། དེ་བས་ཡོན་ཏན་ཀུན་ལྡན་པ།། རྣམ
43b2 གཡེངས་འདུ་བྱེད་གཅོད་བྱེད་ཅིང་།། ཆགས་པས་ཆགས་པ་སེལ་བྱེད་པ།། མི་ཡི་བུ་མོ་བསྟེན་པར་བྱ།། ལུས་ཀྱི་ནུས་པ་བརྟན་ཐོབ་པ།། ཏིང་འཛིན་བརྟན་པ་ལས་བྱུང་བ།། རྒས་འཆི་ཟག་པ་ལས་བྱུང་བའི།། རིག
43b3 པའི་བུ་མོ་བསྟེན་པར་བྱ།། ལོ་ཟླ་བསྐལ་པ་གྲངས་མེད་པར།། ཟག་མེད་བདེ་བ་རྒྱས་བྱ་ཞིང་།། མཐར་ཟུག་བདེ་བསྒྲུབ་བྱ་བའི་ཕྱིར།། ཡེ་ཤེས་སངས་རྒྱས་བཙུན་མོ་བསྟེན།། འདི་ལ་དགའ་དང་མི་དགའ
43b4 མེད།། འཇིགས་དང་བག་ཚ་ཅུང་ཟད་མེད།། བྱ་བ་མེད་ཅིང་བརྟེན་པ་མེད།། ཤ་རུས་རྐང་དང་ཁྲག་མེད་ཅིང་།། ཁུ་བ་མེད་ཅིང་གཤང་གཅི་མེད།། ནམ་མཁའི་འཇའ་དང་གཟུགས་བརྙན་ལྟར།། སྣང་བ་བདེ་བ
43b5 འཕེལ་བྱེད་ཅིང་།། རྒྱ་མཚོ་ཆུ་བོ་ཇི་བཞིན་དུ།། གནས་པས་བདེ་ཆེན་ནམ་མཁའ་ལྟར།། འབྱུང་འཇུག་རྒྱུ་རྐྱེན་ཆ་ལས་འདས།། མཐའ་དབུས་མེད་པའི་བྱང་ཆུབ་སེམས།། དུས་ཀུན་བདེ་ཆེན་དབྱེར་མེད་པས།། རང
43b6 བྱུང་ཡེ་ཤེས་ཡུལ་བྲལ་བ།། གཉིས་མེད་མ་ཡིན་གཉིས་པ་མིན།། བཞི་བཅུ་ལྔ་སོགས་དུས་གསུམ་ཆོས།། ཀུན་མཁྱེན་ལྡན་བྲལ་གཉིས་ཀ་མིན།། ཐོག་མ་ཐ་མ་དབུས་མེད་ཅིང་།། སྤང་ལེན་ཤེས་དང་མི་ཤེས
iiif viewer powered by OpenSeadragon
