| e-texts navigator |
| Wylie |
42b1 ཏེ།། ཐབས་ལ་བརྟེན་པའི་ཉམས་མྱོང་གིས།། ཐམས་ཅད་བདེ་ཆེན་རང་བཞིན་གསང་།། གསང་བའི་པདྨའི་རྩ་ཐིག་ལེ།། བྱེ་བྲག་བརྒྱ་བཅུ་ཀུན་འདུས་པ།། མ་ལུས་འདུས་པའི་རྩ་ཐིག་ལེ།། ཕྱོགས་བཅུ་ཀུན་ནས
42b2 བྱིན་གྱིས་རློབས།། གང་ཕྱིར་ཉི་ཟླ་འགྲོ་འོང་གིས།། གསང་བའི་ཉམས་ལ་གང་གནས་པ།། ལོ་ཟླ་ཚད་དང་འགྲངས་བྲལ་བར།། མི་འགྱུར་བདེ་ཆེན་འགྲུབ་པར་འགྱུར།། ཐིག་ལེ་རོ་ཡིས་ཁྱབ་པ་ཡིས།། མཐའ
42b3 དབུས་གཞི་རྩ་མེད་པའི་དབྱིངས།། རྒྱ་དབྱིབས་ཚད་དང་དྲལ་བ་དེ།། རང་བཞིན་རྟོགས་ནས་གོམས་པར་འགྲུབ།། ལུས་དང་རྩ་དབྱིབས་ཚད་ལྡན་པས།། ཐབས་ཀྱིས་རང་སྣང་མངོན་སུམ་པ།། ཐིག་ལེའི་རང་བཞིན
42b4 མ་སྐྱེས་པས།། མ་ལུས་དག་རྟོགས་པདྨ་ཅན།། ཐམས་ཅད་བདེ་ཆེན་མི་རྟོག་པ།། ཐབས་ལ་ཤེས་རབ་སྦྱོར་བ་དང་།། ཤེས་རབ་ལ་ནི་ཐབས་སྦྱོར་ཞིང་།། གཉིས་མེད་འབྲེལ་པ་ལས་བྱུང་བའི།། བདེ་ཆེན་སེམས་ལ
42b5 སྒོམ་པའོ།། རྡོ་རྗེ་ཟླ་བའི་ཐིག་ལེ་ནི།། གོང་གི་ཟབས་ལ་བརྟེན་པ་ཡིས།། རིམ་ནས་རིམ་པར་མངོན་བྱས་པ།། མ་ཆགས་ཐབས་ཀྱི་རོལ་པ་མཛད།། གཉིས་མེད་རོལ་པ་ཕྱི་རོལ་ཡུལ།། མངོན་མཁྱེན་ཟད་ཀའི
42b6 དམིགས་ཡུལ་བྲལ།། ཤེས་རབ་ཉི་མ་ལ་བརྟེན་པས།། མ་ལུས་བདེ་ཆེན་ཐིག་ལེར་གསལ།། ལུས་གནས་ལུས་ལས་མ་སྐྱེས་པའོ།། ཐམས་ཅད་ཐབས་ཆེན་ལམ་གནས་པས།། མི་འགྲུབ་པ་དང་ཚེགས་ཆེན
iiif viewer powered by OpenSeadragon
