| e-texts navigator |
| Wylie |
42a1 ཕ་རོལ་ཕྱིན།། སངས་རྒྱས་ཀུན་གྱི་རང་བཞིན་ཏེ།། ནམ་མཁའ་ལྟ་བུར་རང་བཞིན་གསལ།། ཆོས་ཉིད་དབྱིངས་དང་མཉམ་པ་ཡི།། བདེ་བ་ཆེན་པོ་ཚད་ལས་འདས།། གང་གིས་དཔག་པར་མི་ནུས
42a2 པ།། བདེ་ཆེན་དབྱེར་མེད་བསམ་ལས་འདས།། བདག་གཞན་བྱ་བསམ་ལས་འདས་པ།། ཡུལ་དང་དབང་པོ་སེམས་ལ་སོགས།། ཇི་སྲིད་སྣང་གྲགས་ལས་འདས་པ།། དེ་སྲིད་བདེ་ཆེན་ཆོས་ཀྱི་སྐུ།། དངོས་དང
42a3 དངོས་མེད་གཉིས་ལས་འདས།། ཐབས་དང་ཤེས་རབ་བདེ་བའི་མཆོག། སྒྱུ་འཕྲུལ་དྲ་བ་ཐབས་ཀྱི་ལམ།། གསང་མཆོག་ཐིག་ལེ་དབྱིངས་ལ་རྫོགས།། འགྲོ་འོང་དམིགས་རྟོག་ཀུན་ལ་འདས།། དབང་པོ་རྡོ་རྗེ་གསང
42a4 བའི་བདག། ཐམས་ཅད་འདུས་པའི་རང་བཞིན་ཏེ།། མ་ལུས་གཅིག་པུ་གསལ་བ་ལ།། ཡུལ་མེད་བདེ་བར་རང་བཞིན་གསལ།། ཤེས་རབ་དྲིལ་བུ་པདྨ་སྟེ།། ཆོས་དབྱིངས་བྷ་ག་གསང་བའི་ཡུམ།། གཞན
42a5 ཡང་ཐམས་ཅད་འདུས་པ་ནི།། བདེ་བསྐྱེད་པའི་ཞིང་དུ་བཤད།། གསང་དབང་ཚད་ནི་མཛུབ་གང་སྟེ།། བརྒྱ་ཕྲག་བྱེ་བ་འདུས་པའི་རྩ།། ཐིག་ལེ་ཕྲ་རགས་ཁྱབ་བྱེད་པ།། ལུས་ཅན་ཐབས་ལ་རང་བཞིན
42a6 གནས།། ཡུལ་ནི་པདྨ་སོར་བཞི་སྟེ།། ཤེས་རབ་རང་བཞིན་དྲི་མེད་དེ།། བསྐལ་པ་དཔག་མེད་རྡུལ་སྙེད་ཀྱི།། བག་ཆགས་བསལ་ནས་བདེ་བ་བསྐྱེད།། རྡོ་རྗེ་ཐབས་ཀྱི་ཐིག་ལེ་ཉིད།། ཕྱོགས་བཅུ་དྲ་བའི་རང་བཞིན
iiif viewer powered by OpenSeadragon
