| e-texts navigator |
| Wylie |
40a1 པས་རྟོགས་འགྱུར་གྱི།། དམན་པས་རྟོགས་པར་ག་ལ་འགྱུར།། གང་དུ་ཡུལ་དང་ཕྲད་པའི་ཚེ།། དངས་མ་དགའ་བ་ཆགས་པ་དང་།། རྩོལ་བ་རེ་དོགས་ཆད་པའི་སེམས།། མི་མཐུན་པ་ཉིད་མཐུན
40a2 འགྱུར་ཡང་།། ཐབས་བྲལ་རྣམས་ལ་རྒྱས་བཏབ་བོ།། ཐབས་དང་ཤེས་རབ་ལྡན་པ་ཡིས།། དགའ་བའི་རོལ་པ་སྣ་ཚོགས་པ།། རྩེ་གཅིག་པར་ནི་འགྱུར་བའི་ཚེ།། སྣ་ཚོགས་དྲན་བསམ་ཞི་བར་འགྱུར།། རོལ་དང
40a3 འཁྱུད་དང་ཞལ་སྦྱོར་དང་།། སྟེགས་དང་འཇོ་བ་བལྟ་དང་རྩེ།། སྣ་ཚོགས་ཕྱི་ནང་སྦྱོར་བ་ཡིས།། ལུས་སེམས་ཕྱི་ནང་རྒྱས་པར་འགྱུར།། གང་དུ་ཕྱི་ནང་རོལ་པའི་ཚེ།། ཐབས་དང་ཤེས་རབ་ལྡན་པ་ལ།། ཕྱི་ནང་དྲན
40a4 བསམ་མ་ལུས་པ།། ཞེན་པ་ལྡོག་ཅིང་དབང་དུ་འདུ།། རེ་དོགས་ཆད་པའི་དུས་ཉིད་ནི།། གང་ལ་འཇུག་པའི་ཡིད་སྤངས་པས།། རང་བྱུང་ཐིག་ལེ་བསམ་མི་ཁྱབ།། དེ་ཉིད་མ་རིག་ལ་སོགས་བཅོམ།། ཐམས་ཅད
40a5 འདུས་པའི་སྙིང་པོ་ནི།། ཇི་སྙེད་ཕྲིན་ལས་ངོ་བོ་སྟེ།། སོ་སོར་དབྱེ་བ་མི་གནས་ཀྱང་།། རིན་ཆེན་སེམས་ལ་རང་བཞིན་རྫོགས།། གང་ཕྱིར་ཐབས་དང་སྦྱོར་བ་ཡིས།། རྫས་ལས་བཅུད་ཀྱིས་བསྒྱུར་བ་ལྟར།། སྐལ་ལྡན
40a6 དབང་པོ་ཡང་རབ་ལ།། གང་ཕྱིར་བསྒྲུབ་པ་དེ་བཞིན་སྣང་།། གསང་ཆེན་ཐབས་ཀྱི་རོལ་པའི་རྒྱུད།། ཆགས་པས་ཆགས་པ་གྲོལ་བ་ལྟར།། གང་འདིར་ཐབས་དང་བྲལ་བ་ཡིས།། ནམ་མཁའ་ལ་ནི་མེ་ཏོག
iiif viewer powered by OpenSeadragon
