| e-texts navigator |
| Wylie |
3b1 ཅིང་།། རོལ་པའི་གར་དགུ་རྩེ་དང་བཅས།། མ་ལུས་བདེ་བས་ཚིམ་མཛད་ནས།། འཁོར་ལོ་རོལ་པའི་ཚོགས་དང་བཅས།། ཐབས་ཀྱིས་རོལ་པའི་བདེ་ཆེན་གྱིས།། ལུས་ཀྱི་དཀྱིལ་འཁོར་དབབ་མཛད་ཅིང་།། བཞིན
3b2 འགྱུར་ངག་ཆད་རེ་དོགས་མེད།། རྣལ་འབྱོར་ཕོ་མོ་རྡུལ་སྙེད་བཅས།། རྩེ་གཅིག་བདེ་བ་འབར་བར་བྱེད།། བདེ་ཆེན་ཐིག་ལེའི་ཚུལ་ཉིད་ཀྱིས།། རྡོ་རྗེའི་ཚིག་ཏུ་འདི་གསུངས་པ།། འདི་ཞེས་ཉེ་བར་མཚོན་པ་ནི།། ཨེ
3b3 སོགས་རྣམ་བཞིའི་དབྱིབས་ཅན་གནས།། སྐད་ཅེས་གསལ་བྱེད་ལས་མིང་ཅན།། བཾ་དབྱིབས་ཐིག་ལེར་བཅས་སྟོན་པའོ།། མ་ད་མ་ནུས་སྡོམ་བྱེད་ཡིད།། ལས་ཅན་རྣམ་ཤེས་དེ་དག་ལ།། ཐབས་ཆེན་ཚིག་བྲལ
3b4 ཉམས་ལྡན་པས།། གསལ་བར་གོ་བས་བཤད་པར་འདོད་པ་སྒྲ་དོན་དམ་ངེས་པའི་རྒྱུད།། ཡཱ་ན་ཐེག་ཆེན་འདི་ཡིན་ནོ།། དུས་ནི་བསམ་གྱིས་མི་ཁྱབ་དུས།། ནཱ་མ་དེ་མིང་ཞེས་བྱའོ།། གཞན་ཡང་ཁྱད་པར་བཤད་བྱ
3b5 པ།། ཐབས་དང་ཤེས་རབ་མཉམ་པ་ཡི།། སྣ་ཚོགས་བདེ་བའི་ཐིག་ལེ་ཡིས།། དེ་བཞིན་ཉིད་དུ་གཤེགས་པ་ཡང་།། སྣ་ཚོགས་ཞེན་ལས་གྲོལ་བར་བཤད།། བྱེ་བྲག་བརྒྱད་ཅུ་བཅུ་གསུམ་པ།། མ་ལུས་བདེ་ཆེན་ངོ་བོ
3b6 ཡི།། བཅུད་འདུས་ཐིག་ལེ་ཆེན་པོ་ཉིད།། སྣང་དང་སྟོང་པ་ལ་སོགས་པ།། བརྗོད་བྱ་མ་ལུས་རྫོགས་པར་སྣང་།། རྟོག་ཚོགས་སངས་རྒྱས་བཞི་བཅུ་ལྔ།། སྣང་བས་ཕྱེ་ཕྱིར་གཉིས་སུ་མེད།། ཤེས་རབ་བྷ་ག་གསང་བའི
iiif viewer powered by OpenSeadragon
