| e-texts navigator |
| Wylie |
39b1 པའི།། ལས་ཀྱི་ཁྱད་པར་སྣང་བ་ཡི།། རིམ་པ་འདི་ནི་བཤད་པར་བྱ།། ཐམས་ཅད་རང་བྱུང་བྱང་ཆུབ་སེམས།། ཀུན་གྱི་གཞི་རྩ་སྟོང་པ་ཉིད།། མ་སྐྱེས་པ་ཉིད་སྐྱེ་བ་སྟེ།། འདི་ལ་ཕྱོགས་རིས་ཀུན་ལས་འདས།། ཀུན།
39b2 ནས་ཆ་ཤས་སྤང་བྲལ་བའི།། མ་དམིགས་མི་དམིགས་དམིགས་སུ་མེད།། བྱང་ཆུབ་སེམས་ཀྱི་རང་བཞིན་ཉིད།། ཕྲིན་ལས་ཀུན་གྱི་ངོ་བོར་སྣང་།། ཐམས་ཅད་ཐིག་ལེ་ཆེན་པོའི་ངང་།། ཕྱོགས་མེད་རང་བྱུང་ཐིག་ལེ
39b3 ལ།། མི་མཐུན་དྲི་མ་རྡུལ་མེད་པ།། མ་བཅོས་ཞི་བ་ཆེན་པོར་བཤད།། དངོས་མེད་རང་རིག་བྱང་ཆུབ་སེམས།། རང་བྱུང་རང་སྣང་ངོ་བོ་ཉིད།། མཐའ་དབུས་མེད་པའི་ངང་ཚུལ་གྱིས།། ནམ་མཁའི་ཁམས་ལྟར་གནས
39b4 པའོ།། ཐབས་ཅིག་ཏུ་ནི་གནས་པ་ན།། བྱ་དང་མི་བྱ་ལ་སོགས་པ།། གཉིས་མེད་ཐིག་ལེར་རང་གནས་པ།། རིག་པས་རང་རྒྱུད་ཉིད་དུ་འདུས།། མ་སྐྱེས་སྟོང་པའི་རང་བཞིན་ལ།། དངོས་དང་དངོས་མེད་འཇིགས
39b5 མེད་འཇིག་པས་ན།། ཐོགས་པ་མེད་པར་ཕ་རོལ་ཕྱིན།། མ་ལུས་པར་ནི་འཇིག་པར་འགྱུར།། རང་རིག་སྟོང་པའི་གཟུགས་བརྙན་ནི།། མི་ཤེས་ཐིག་ལེའི་རང་སྣང་ནི།། དྲངས་མ་རྩ་བཞི་འོད་དང་བཅས།། རང་བཞིན
39b6 ལས་དང་ནུས་པར་བཅས།། ཐ་དད་མེད་པས་ནང་དུ་བཤད།། འཇིག་རྟེན་འཇིག་རྟེན་འདས་པ་ཡི།། སྤྱོད་ཡུལ་བྲལ་བའི་གསང་བ་སྟེ།། བྷ་ག་བདེ་བ་ཆེན་པོ་ཉིད།། ཡི་གེ་བཞི་ལྟར་རང་གནས་པ།། ཐབས་དང་ལྡན
iiif viewer powered by OpenSeadragon
