| e-texts navigator |
| Wylie |
39a1 ལ།། སྐྱེས་བུ་ཟབས་ཀྱིས་བདེ་གནས་ཤིང་།། སྐྱེས་བུ་ཟབས་ཀྱིས་བཟླ་བ་ལ།། ཤེས་རབ་མིག་གིས་གང་བལྟས་པ།། ཞེན་བཏགས་སྣང་བའི་མུན་པ་རྣམས།། ཐབས་ཆེན་སྣང་བས་ཁྱབ་པར
39a2 འགྱུར།། སྦྱོར་བས་སྣང་བ་ཀུན་བསྒྲལ་ཞིང་།། བསྒྲལ་བས་སྐྱེ་མེད་དབྱིངས་སུ་སྦྱོར།། གཉིས་མེད་རྟོགས་པའི་རྣལ་འབྱོར་པ།། པདྨ་ལ་ནི་འདམ་བཞིན་ནོ།། གང་དུ་ཉམས་དང་ལྡན་པ་ཡིས།། གང་དུ་བསྐུལ་ལམ་མི
39a3 གསལ་ན།། རང་གི་ཚད་དང་ལྡན་པར་དུ།། གླུ་དང་རྩེད་མོ་གར་དག་དང་།། ཕྱི་རོལ་ཆགས་པས་འབར་བྱས་ཏེ།། བདེ་ཆེན་ཡིད་ཀྱི་ཡུལ་ལ་བལྟ།། འགྲོགས་པ་དག་དང་དམིགས་པ་དང་།། གོམས་ལས་ཡེ་ཤེས་ཕྱག
39a4 རྒྱ་གསལ།། ལྷན་ཅིག་བདེ་ཆེན་རིམ་སྐྱེས་པས།། གཉིས་མེད་བདེ་བ་ཐབས་ཀྱི་རོ།། བཅུ་དྲུག་རྒྱུན་དང་འབབ་ཆུ་ལྟར།། གོམས་པའི་སྟོབས་ཀྱིས་མཐར་ཕྱིན་འགྱུར།། གསང་བའི་ཐབས་ལྡན་གང་ཟག་ནི།། འཁོར
39a5 བ་ཐབས་ཀྱི་ཞིང་གནས་ཀྱང་།། རྟོགས་གོམས་ཐབས་ཀྱིས་གང་ཟིན་པ།། མི་ལྡོག་དེ་ཉིད་ཕ་རོལ་ཕྱིན།། ཐབས་ཆེན་སྒྱུ་འཕྲུལ་དྲ་བ་ལས།། ཐབས་ཆེན་གསང་བ་འདི་གསུངས་སོ།། སྐལ་ལྡན་མཆོག་གི་སྤྱོད་ཡུལ
39a6 ཏེ།། དམན་དང་རིགས་ཆད་ཡུལ་མ་ཡིན།། སྒྱུ་འཕྲུལ་དྲ་བའི་རྒྱུད་ཆེན་པོ་ལས། ཐབས་ཆེན་པོ་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་གཞན་ཡང་བཤད་བྱ་བ།། རང་བཞིན་ཐབས་ཀྱིས་མངོན་བྱས
iiif viewer powered by OpenSeadragon
