| e-texts navigator |
| Wylie |
38b1 དང་ཐིག་ལེ་ལ།། བརྟེན་པ་མེད་ཅིང་འཛིན་པ་མེད།། ཡིད་དང་ཏིང་འཛིན་ཡེ་ཤེས་ཀྱི།། གང་ཡིན་ལྷ་མོ་ལ་སྦྱར་བས།། བུད་ཤིང་མེ་ལྟར་རང་ཚིག་ཅིང་།། ཟག་པ་མེད་པའི་བདེ་ཆེན་པོ།། སྣང་བ་འདི་ལས་ས་ཁམས
38b2 དང་།། དུས་ཁམས་ཞིང་ཁམས་ནམ་མཁའི་ཁམས།། བདེ་བ་ཆེན་པོས་ཁྱབ་པར་འགྱུར།། ནམ་མཁའི་དབྱིངས་ཀྱི་མཐར་ཐུག་པར།། གསང་བའི་ས་གསུམ་མ་ལུས་པ།། ཐབས་ཀྱིས་ཟིན་དང་མ་ཟིན་ལས།། འཕེལ
38b3 འགྲིབ་ཟག་པ་ཡོད་མིན་དང་།། འཆིང་གྲོལ་ཁྱད་པར་སྣ་ཚོགས་སྣང་།། ཐབས་དང་སྐྱེས་བུའི་ཁྱད་པར་ལས།། མ་ལུས་བདེ་མཆོག་སྒྱུ་མའི་ཕྱིར།། གང་ཡང་མི་བྱ་བ་མེད་དེ། ཐམས་ཅད་རྒྱལ་བའི་མཛད་པར
38b4 གནས།། པདྨ་ཐབས་དང་འདུས་པ་ལས།། དབང་པོ་རྣམ་ཤེས་ཡུལ་ལས་སོགས།། ཐ་དད་གྲོལ་བས་རང་ལོག་སྟེ།། ལྷན་ཅིག་སྐྱེས་པའི་ངོ་བོར་གསལ།། ལུས་དང་སེམས་དང་ཡེ་ཤེས་ཀྱི།། བརྟེན་པ་གསུམ་ལ
38b5 མཉམ་སྦྱོར་བས།། འདུ་ཤེས་ཀུན་ལས་རབ་གྲོལ་ཏེ།། ཐམས་ཅད་བདེ་བ་ཆེན་པོར་སྨིན།། ཤེས་རབ་པདྨའི་མེ་ལོང་ལ།། རྡོ་རྗེ་གསང་བའི་ཐབས་བལྟས་པས།། བདེ་བ་ཆེན་པོའི་གཟུགས་བརྙན་ཚོགས།། མཐའ
38b6 དབུས་མེད་པར་རང་བཞིན་སྣང་།། བདེ་བ་ཆེན་པོའི་རང་བཞིན་ནི།། སྣང་བ་མ་ཡིན་མི་སྣང་མིན།། མཐའ་དབུས་ཞེན་པ་ལས་འདས་ནས།། ཐམས་ཅད་བདེ་ཆེན་མཉམ་པ་ཉིད།། ཤེས་རབ་གསལ་བའི་མེ་ལོང
iiif viewer powered by OpenSeadragon
