| e-texts navigator |
| Wylie |
37b1 ཤིང་སྡོང་པོ་ཁ་ཕྱེ་སྟེ།། མ་རིག་མུན་པ་སྣང་བར་བྱས།། དེ་ཉིད་ཡེ་ཤེས་འོད་ཀྱིས་སྦྱང་།། འབྱུང་བ་གསུམ་གྱི་ཐབས་ཀྱིས་སྦྱངས། རཾ་ཡཾ་ཁཾ། མ་བསྐྱེད་ནམ་མཁའི་རང་བཞིན་ལ།། འབྱུང་བའི་རྐྱེན་གྱིས་མི་འཇིག
37b2 ལྟར།། སྐྱེ་མེད་སེམས་ཀྱི་རང་བཞིན་ལ།། མཚན་མའི་རྐྱེན་གྱིས་འཇིག་པ་མེད།། གསལ་བ་ཉི་ཟླའི་གདན་སྟེང་དུ།། ཨ་ལས་ཧཱུཾ་གི་སྦྱོར་བ་ཡིས།། ཚོན་གང་འོད་ཀྱི་སེམས་དཔའ་ཆེ།། སྦྱོར་བ་རླུང་གི་ཆོ་ག
37b3 ཡིས།། འོག་མིན་གནས་སུ་སྒྲ་ར་ཡཾ།། དབྱིངས་སུ་བསྐུལ་བས་ཐེ་ཚོམ་མེད།། གཉིས་མེད་ཐིམ་པས་འདྲེས་འགྱུར་ཏེ།། རྒྱལ་བའི་སྲས་འགྱུར་རྡོ་རྗེ་སེམས།། གཉིས་སུ་མེད་པར་དབང་བསྐུར་ཏེ།། བདག་དང་གཞན
37b4 དོན་མཐར་ཕྱིན་ཏོ།། ཕུང་ལྔ་འདོད་པའི་ཡོ་བྱད་ལྔ།། དུར་ཁྲོད་སྣ་ཚོགས་ལས་གྲུབ་པ།། མཆོད་པའི་སྤྲིན་ནི་རབ་འབྱམས་ཀྱིས།། མ་ལུས་ཁྱབ་པར་སྤྲོ་བར་བྱ།། བདག་དང་གཞན་ལ་ཕན་པའི་ཕྱིར།། བྱམས་དང
37b5 སྙིང་རྗེ་ལྡན་པ་ཡིས།། དཔག་མེད་ལོག་པར་འཁྱམས་པ་རྣམས།། ཐབས་ཀྱིས་མ་སྐྱེས་ས་ལ་བཀོད།། འཆི་བ་མེད་པའི་ཆོས་སྐུར་ཟིམ།། བདེ་ཆེན་ས་ལ་སྦྱོར་བར་རིགས།། བདེ་ལམ་འདི་ལས་གཞན་མེད་དོ།། ཨ
37b6 ཡི་རང་བཞིན་ཐོག་མཐའ་མེད།། ཏ་ལ་པ་ཡི་མངོན་མཚན་པས།། རྟོག་པ་འདོད་པའི་སྤྱོད་པ་ཡིས།། མ་ལུས་མཉམ་པ་ཉིད་དུ་སྦྱོར།། ཨ་ལས་དབྱུག་བཏགས་དཀར་ལྡན་སྒྲས།། མ་ལུས་མཉམ་པ་ཉིད་དུ
iiif viewer powered by OpenSeadragon
