| e-texts navigator |
| Wylie |
37a1 ཀུན།། བཅུ་གསུམ་ཕྱག་རྒྱའི་དཀྱིལ་འཁོར་གསལ།། རྒྱུ་བ་ཡིད་དང་དྲན་རྟོག་ཆད།། ཐིག་ལེ་བདེ་ཆེན་འགྲོ་འོང་མེད། སྒྱུ་འཕྲུལ་ཐལ་བའི་རྒྱུད་ཆེན་པོ་ལས། བྷ་ག་བཤད་པའི་ལེའུ་སྟེ་བཅུ་བཞི
37a2 པའོ།། །། དེ་ནས་གཞན་ཡང་བཤད་བྱ་བ།། ཞེ་སྡང་ཅན་གྱི་གང་ཟག་ལ།། གཉེན་པོ་ཐབས་ཀྱིས་མི་འདུལ་བ།། ཐབས་ཆེན་གསང་བ་བཤད་པར་བྱ།། ནོངས་པར་སྤྱོད་དང་ལོག་སྲེད་ཅན།། དམ་ཉམས་ལོག
37a3 དང་འཁུ་བ་དང་།། བླ་མ་མཆོད་དང་དཀོན་མཆོག་དགྲ།། དམ་དགྲ་ངན་པའི་ངང་ཚུལ་ཅན།། ཡོངས་ལ་གནོད་དང་འདུས་པར་འོངས།། བླ་མ་གྲོགས་ཀྱི་ཡུམ་ཕྲོག་ཅིང་། ཚོགས་ཀྱི་ཡོ་བྱད་རྐུ་འཕྲོག་བྱེད།། གསང་བ
37a4 འཇིགས་པའི་ལས་བྱེད་པ།། དམ་ཚིག་དམ་ཆོས་དམོད་པ་དང་།། ལྷ་དང་མི་དང་ངན་འགྲོར་བཅས།། ཐམས་ཅད་བསྒྲལ་བའི་ཞིང་དུ་གསུངས།། བདག་དང་གཞན་ལ་ཕན་པའི་ཕྱིར།། ཆོས་ཀུན་རོ་གཅིག་ཉིད
37a5 གནས་ཤིང་།། མཉམ་ཉིད་རིག་པའི་རྣལ་འབྱོར་པས།། སྡུག་བསྔལ་རྒྱུ་འབྲས་གཅད་པར་བྱ།། བྱམས་དང་སྙིང་རྗེ་ལྡན་པ་ཡིས།། ཐར་པ་ཆེན་པོར་དགོད་པར་བྱ།། དྲག་ཤུལ་ཐབས་ཀྱི་སྦྱོར་བ་ཡིས།། མཉམ་ཉིད་ཞི
37a6 ལ་དགོད་པར་བྱ།། ཐབས་དང་ལྡན་པའི་ལྕགས་ཀྱུ་ཡིས།། འཁོར་བའི་ཕུང་པོ་བཀུག་ནས་ནི།། ཐུགས་རྗེའི་ལྕིད་དང་ལྡན་པར་གནན།། ཤེས་རབ་མཚོན་ཆ་ལྡན་པ་ཡིས།། ཉོན་མོངས་འཁོར་བའི་རྒྱ་དྲལ་ཏེ།། ཆུ
iiif viewer powered by OpenSeadragon
