| e-texts navigator |
| Wylie |
36b1 ཚུལ་གྱིས་དྲུད་པར་བྱ།། སྲིན་ལག་ཐབས་ཀྱིས་བསྐྱོད་པར་བྱ།། རེག་དང་འཕྲོ་བས་ཡིད་འཕམ་པ།། དེ་ཚེ་རྟགས་ནི་འབྱུང་བར་འགྱུར།། རྩེ་གཉིས་འཕྲད་པས་བདེ་བ་ཆེ།། གང་ལ་རང་དབང་མེད་པར་ནི།། འཁོར
36b2 བའི་སྲིད་པ་རང་ཐིམ་འགྱུར།། བྷ་ག་པདྨའི་སྙིང་པོ་ལ།། རྡོ་རྗེ་ཐབས་ཆེན་བསྐྱོད་པ་ཡིས།། གསང་བའི་ཐིག་ལེ་བཅུད་ཀྱི་འབྲུ།། རྩེ་ནས་བཟུང་བཟློག་སྦྱངས་པ་ཡིས།། དབང་པོ་ཡུལ་དང་རྣམ་ཤེས་ཀུན།། བདེ་བ
36b3 ཆེན་པོའི་གཟུགས་སུ་སྐྱེ།། འདི་ཚེ་བར་ཆད་མེད་པ་ཡིས།། མཐར་ཐུག་གསང་བའི་ཡེ་ཤེས་འགྲུབ།། དབང་དང་མན་ངག་སྔོན་སོང་བས།། ཡོན་ཏན་བཅུ་དང་རབ་ལྡན་ཞིང་།། ཡིད་འོང་རིགས་བཞི་ཐིག་ལེ
36b4 ནི། པདྨ་ནི་དང་ཧསྟི་ནི།། ཤང་ཀ་ནི་དང་ཙ་ཏ་ནི།། ལོ་གྲངས་བཅུ་དྲུག་ལོན་པ་ལ།། ནུབ་ཕྱོགས་འོག་མིན་བདེ་ལྡན་དུ།། མ་ཆགས་པདྨ་གདན་བཏིང་བ།། ཉི་མ་ཤར་བའི་གཞལ་ཡས་ཁང་།། ཉུང་དཀར་ཚད་ཀྱི
36b5 བུམ་པ་ནི།། ཡོན་ཏན་ཚད་མེད་གཏེར་དང་ལྡན།། ལས་དང་ངོ་བོ་ཚད་དང་བྲལ།། བདག་ཉིད་ངོ་བོ་ཅན་ལྡན་པས།། བཅུ་དྲུག་བཞི་ཆས་བདེ་བསྐུལ་བས།། གཉིས་ཀའི་གནས་སུ་ཡབ་ཡུམ་དག། ཕྱག་རྒྱ་དགུ
36b6 གཉིས་ཚད་མས་གདབ།། ས་ཡ་བཅུ་གསུམ་གཉིས་ཀྱི་བཅུད།། བསྐྱོད་བསྐུལ་བྲོ་གར་ཐབས་ཀྱིས་གདགས།། ཉི་ཟླ་དུས་གཅིག་འདྲེས་ཤར་བ།། དེ་ཉིད་བཞི་ལ་སླར་བསྡུས་ན།། དང་པོ་སྤྱོད་ཡུལ་ཐམས་ཅད
iiif viewer powered by OpenSeadragon
